मालमत्ता करातून पनवेलकरांची सुटका?
उद्धव ठाकरेंची मोठी घोषणा
| पनवेल | प्रतिनिधी |
पनवेलमध्ये दुप्पटीने मालमत्ता कर आकारला जात आहे. मालमत्ता कर भरु नये, असं आमचं म्हणणं नाही. परंतु, अन्यायकारक कर लादू नयेत. एकीकडे मनपाचा हा कर तर दुसरीकडे सीडकोकडून करवसुली सुरुच आहे. ज्या सुविधाच मिळत नाहीत, त्यांचा कर का घेता? असा सवाल ठाकरेंनी उपस्थित केला.
उद्धव ठाकरे पुढे म्हणाले की, मी मुंबईकरांना एक वचन दिले होते. 500 स्क्वेअर फुटांच्या घरांचा कर माफ करण्याचे. ते वचन आम्ही पूर्ण केले. आता आमचे सरकार राज्यात आणि केंद्रात आल्यानंतर या दुहेरी करातून पनवेलकरांची मुक्तता केली जाईल. मावळ मतदारसंघामध्ये शिवसेनेची ताकद आहे. आता नवीन ताकद आपल्यासोबत जोडली जात आहे. येत्या निवडणुकीत भाजप सत्तेत येणार नाही. त्यामुळे सर्वांनी ताकदीने महाआघाडीसोबत उभे राहावे, असे आवाहन उद्धव ठाकरेंनी यावेळी बोलताना केले.
मनसे पदाधिकाऱ्यांचा ठाकरे गटात प्रवेश मनसे अध्यक्ष राज ठाकरे यांनी येत्या लोकसभा निवडणुकीमध्ये भाजपला पाठिंबा दिला आहे. त्यांच्या या भूमिकेनंतर मनसेला गळती लागल्याचं चित्र दिसून येत आहे. मनसेचे कार्यकर्ते या-ना त्या पक्षामध्ये प्रवेश करताना दिसून येत आहेत. पनवेलमधील मनसेच्या चार प्रमुख पदाधिकाऱ्यांनी सोमवारी ठाकरे गटामध्ये प्रवेश केला. उद्धव ठाकरेंच्या उपस्थितीत त्यांनी शिवबंधन बांधले. यावेळी माध्यमांशी बोलताना उद्धव ठाकरेंनी नरेंद्र मोदी, अमित शाह, जेपी नड्डा यांच्यासह भाजपच्या नेत्यांवर टीकास्र सोडले.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.