पीएनपीच्या विद्यार्थ्यांची उल्लेखनीय कामगिरी

| अलिबाग | प्रतिनिधी |

क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालय रायगड यांच्या संयुक्त विद्यमाने जिल्हास्तरीय युवा महोत्सव 2025/2026 चे आयोजन करण्यात आले होते. विविध स्पर्धांमध्ये पीएनपी होली चाईल्ड स्कूल वेश्वी अलिबाग शाळेतील विद्यार्थ्यांनी घवघवीत यश संपादन केले. लोकगीत स्पर्धेत मनस्वी मळेकर, मनस्वी सावंत, भार्गवी पाटील यांनी सहभाग घेऊन तृतीय क्रमांक पटकावला तर कथा लेखन, चित्रकला स्पर्धेत विवेक दास याने तृतीय क्रमांक पटकावला. या नेत्रदीपक यशाबद्दल पीएनपी एज्युकेशन सोसायटीच्या कार्यवाह चित्रलेखा पाटील, होली चाईल्ड एसएससी बोर्डच्या मुख्याध्यापिका निसर्गा चेवले व उपमुख्याध्यापिका शर्मिला शेटे, क्रीडा मार्गदर्शक अक्षय डाकी, कला शिक्षक विनय पाटील व शिक्षकेतर कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.