उपोषणाच्या इशार्‍यानंतर रस्त्याच्या कामाला प्रारंभ

कळंब-पाषाणे येथे तातडीने प्रारंभ

| नेरळ | प्रतिनिधी |

कर्जत तालुक्यातील कळंब-पाषाणे या रस्त्याच्या पहिल्या टप्प्याच्या कामाचा प्रारंभ आ. महेंद्र थोरवे यांच्या हस्ते करण्यात आला. 10 किलोमीटर लांबीच्या रस्त्यासाठी दहा कोटी रुपयांचा निधी मंजूर असून त्यातील पहिल्या टप्प्यातील तीन कोटी 80 लाख रुपये निधीमधील कामाचे आले आहेत. दरम्यान, या 12 किलोमीटर लांबीच्या वर्षे झाले नसल्याने स्थानिकांनी उपोषणाचा इशारा दिला आहे.

पाषाणे येथे रस्त्याच्या कामाचा शुभारंभ आणि पाषाणे नळपाणी योजनेचे भूमिपूजन कार्यक्रमाचे आयोजन करण्यात आले होते. त्यावेळी आमदार थोरवे यांच्यासह कर्जत पंचायत समितीचे माजी सभापती राहुल विषे, शिवसेना शिंदे गटाचे विधानसभा संघटक शिवराम बढ़े, कळंब विभागप्रमुख भरत हाबळे, रामचंद्र बदे, दिपक कुडके, उत्तम शेळके, पाषाणे ग्रामपंचायतीचे सरपंच गोटिराम वाघ, सार्वजनिक बांधकाम विभाग कर्जतचे कनिष्ठ अभियंता दिनेश चौधरी आदी उपस्थित होते. कर्जत तालुक्यातील ठाणे जिल्ह्याच्या हद्दीवर असलेले पाषाणे ते कळंब या 12 किलोमीटर लांबीच्या रस्त्यासाठी सार्वजनिक बांधकाम विभागाने 10 कोटींचा निधी मंजूर केला आहे. त्यातील पहिल्या टप्य्यात 3.80 कोटी रुपयांच्या मजबुतीकरण आणि डांबरीकरण कामाचा शुभारंभ आमदार महेंद्र थोरवे यांच्या हस्ते झाला. त्याचवेळी या कार्यक्रमात पाषाणे गावासाठी मंजूर झालेल्या जलजीवन मिशन मधील 14 कोटी रुपये खर्चाच्या नळपाणी योजनेचे भूमिपूजन देखील यावेळी करण्यात आले.

उपोषणाचे काय ?
गेली अनेक वर्षे कळंब-पाषाणे रस्त्याचे काम रखडले होते, त्यामुळे स्थानिकांसाठी धावणारी लाल परी देखील बंद आहे. त्यामुळे स्थानिकांनी एकत्र येत रस्त्याच्या कामासाठी आंदोलन करण्याचा इशारा दिला आहे. तसे पत्र देण्यात आले असून रस्ता रोको, नंतर मोर्चाने तीन ठिकाणी उपोषण अशा प्रकारचे आंदोलन केले जाणार आहे. त्यात आता रस्त्याच्या कामाचा शुभारंभ झाल्याने उपोषण आणि आंदोलने होणार का? असा प्रश्‍न उपस्थित झाला आहे.