फुटबॉलपटू नेमारचा पगार 900 कोटी

। नवी दिल्ली । वृत्तसंस्था ।

ब्राझीलचा स्टार फुटबॉलपटू नेमार ज्युनियरने झडॠ ला अलविदा केले आहे. आता हा 31 वर्षीय नेमार सौदी अरेबियाच्या अल हिलाल क्लबकडून खेळणार आहे. गेल्या वर्षाच्या अखेरीस, क्रिस्टियानो रोनाल्डोने युरोपचा क्लब सोडून सौदी अरेबियाच्या क्लबशी करार केला. तेव्हापासून मोठी नावे सातत्याने सौदीकडे वळत आहेत. नेमारच्या आधी करीम बेंझेमा, साने, एनफगोलो कांटे ही मोठी नावेही युरोपमधून सौदी अरेबियात गेली आहेत.

अल हिलालकडून खेळताना नेमार जूनियरला 100 दशलक्ष युरो म्हणजेच सुमारे 900 कोटी रुपये दरवर्षी मिळतील. नेमारकडे पैशांसोबतच लोक ज्याचे स्वप्न पाहतात त्या सर्व लक्झरी असतील. नेमार ज्या घरात राहणार आहे त्या घरात 25 खोल्या असतील. त्याला तीन गाड्या मिळतील, ज्यांची एकूण किंमत 15 कोटींपेक्षा जास्त आहे.

नेमारला काय काय देणार?
100 दशलक्ष युरो वार्षिक पगार, 25 बेडरूमचे घर, 40ु10 मीटरचा स्विमिंग पुल,, घरी काम करण्यासाठी 5 लोक, बेंटले कॉन्टिनेंटल जीटी, एस्टन मार्टिन डीबीएक्स, लॅम्बोर्गिनी हुराकन, 24 तास ड्राइव्हर, हॉटेल, रेस्टॉरंट्स आणि त्यांच्या सुट्टीच्या कालावधीतील विविध सेवांची सर्व बिले क्लबकडे पेमेंटसाठी पाठवली जातील, प्रवासासाठी खाजगी विमान, सोशल मीडियावर सौदी अरेबियाचा प्रचार करणार्‍या प्रत्येक पोस्टसाठी 4.5 कोटी रुपये

सौदीचा सर्वात यशस्वी क्लब
अल हिलाल हा सौदी अरेबियातील सर्वात यशस्वी क्लब आहे. या क्लबने सौदी प्रो लीग ही तेथील प्रीमियर लीग, विक्रमी 18 वेळा जिंकली आहे. अल हिलालने किंग कप विक्रमी 10 वेळा, क्राउन प्रिन्स कप विक्रमी 13 वेळा, सुपर कप विक्रमी 3 वेळा, फेडरेशन कप विक्रमी 7 वेळा जिंकला आहे. अल हिलालने 4 वेळा एशियन चॅम्पियन्स लीगचे विजेतेपदही जिंकले आहे.