वासांबे जि.प. गटात संदीप मुंढे चर्चेत

| आपटा | प्रतिनिधी |

वासांबे जिल्हा परिषद गट क्रमांक 16 मधून राष्ट्रवादी काँग्रेसच्या घड्याळ निशाणीवर संदीप सुदाम मुंढे निवडणूक लढवत असून, त्यांना शेकाप, मनसे, शरद पवार गट व काँग्रेसचा पाठिंबा मिळाला आहे. गेली 28 वर्षे सामाजिक व राजकीय क्षेत्रात कार्यरत असलेल्या मुंढे यांनी मोहपाडा ग्रामपंचायतीत विविध पदांवर काम करत स्थानिक पातळीवर मजबूत जनसंपर्क निर्माण केला आहे.

कोरोना काळात मोफत लसीकरण, सॅनिटायझर फवारणी, अन्नधान्य वाटप, तसेच आदिवासी व कामगार बांधवांना मदत केल्याने त्यांची विशेष ओळख निर्माण झाली. परिसरात स्ट्रीट लाईट, हायमॅक्स व सोलर पथदिवे बसविणे, तसेच नेत्रतपासणी शिबिरे आयोजित करून 6700 रुग्णांची तपासणी व 1350 मोतीबिंदू शस्त्रक्रिया घडवून आणल्याने त्यांचे काम चर्चेत आहे. भाजपच्या नेहा पारंगे यांच्याविरुद्ध मुंढे यांची लढत रंगतदार ठरणार असून, त्यांच्या कामाच्या जोरावर विजय मिळेल, अशी चर्चा मतदारसंघात आहे.