रसायनीचे नवे पोलीस निरिक्षक संजय बांगर
| रसायनी | वार्ताहर |
रसायनी पोलीस ठाण्याचे वरिष्ठ पोलीस निरिक्षक शत्रुघ्न माळी यांची पिंपरी चिंचवड येथे बदली झाल्यामुळे रसायनी पोलीस ठाण्याच्या रिक्त झालेल्या पदी वरिष्ठ पोलिस निरीक्षक संजय बांगर यांची नियुक्ती करण्यात आली आहे. त्यांनी नुकताच रसायनी पोलीस ठाण्याचा पदभार स्विकारला आहे. वरिष्ठ पोलीस निरिक्षक संजय शांताराम बांगर हे या अगोदर मुंबई क्राइम ब्राँच दहिसर येथे दोन वर्ष कार्यरत होते. तसेच ठाणे ग्रामीण व ठाणे शहर परिसरात जवळपास दहा वर्षे, भिवंडीत चार वर्षे, खालापूर पोलिस ठाण्यात एक वर्षे आदी ठिकाणी त्यांनी आपली पोलिसी सेवा बजावली आहे.
पोलिसी सेवा बजावताना त्यांनी अनेक गुन्ह्यांची उकल करुन अट्टल गुन्हेगारांना जेरबंद केले आहे. सन 2021 मध्ये माथेरान येथील मर्डंरम डिटेक्ट करुन आरोपीच्या मुसक्या आवळल्या. याप्रकरणी वरिष्ठ पोलिस निरीक्षक संजय बांगर यांचा पोलीस सेवेचा गौरव करत डिजी कार्यालयाच्यावतीने सन्मान करण्यात आला. शिस्तप्रिय म्हणून त्यांची ख्याती असून कायदा कोण मोडणार नाही, याकडे त्यांचे विशेष लक्ष असते.त्यांच्या 27 वर्षाच्या पोलीस सेवेमध्ये एक प्रामाणिक व कर्तव्यदक्ष अधिकारी म्हणून त्यांची ओळख आहे. त्यांची रसायनी पोलीस ठाण्याच्या वरिष्ठ पोलीस निरिक्षकपदी नियुक्ती झाल्याने त्यांच्यावर सर्व स्तरातून अभिनंदनाचा वर्षाव होत आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.