सार्थक म्हामुणकर आर्चरीत प्रथम

। माणगाव । प्रतिनिधी ।

पनवेल तालुक्यातील रसायनी येथे जिल्हा क्रीडा अधिकारी कार्यालय रायगड आयोजित शालेय जिल्हास्तरीय आर्चरी स्पर्धेचे गुरूवारी (दि.3) आयोजन करण्यात आले होते. या स्पर्धेत माणगाव येथील शैक्षणिक आणि क्रीडा क्षेत्रात अग्रेसर असणार्‍या गणेश यशवंत वाघरे इंग्रजी माध्यमाच्या शाळेतील विद्यार्थी सार्थक म्हामुणकर याने प्रथम क्रमांक पटकावला आहे.

माणगाव शिक्षण प्रसारक मंडळाच्या गणेश यशवंत वाघरे इंग्लिश मीडियम स्कूल माणगावचा इयत्ता सहावीचा विद्यार्थी सार्थक म्हामुणकर याने इंडियन राऊंड 14 वर्षाच्या आतील वयोगटात सुवर्णपदक पटकावले आहे. यानंतर त्याची कर्नाळा स्पोर्ट्स कॉम्प्लेक्स पनवेल येथे होणार्‍या शालेय विभागीय आर्चरी स्पर्धेकरीता निवड झाली आहे. सार्थकने उज्वल मिळविल्याने अध्यक्ष अ‍ॅड. राजीव साबळे, सेक्रेटरी कृष्णा गांधी, चेअरमन नरेंद्र गायकवाड, अरुण पवार, मुख्याध्यापिका मनीषा मोरे, क्रीडा शिक्षक प्रतिक संजय गायकवाड आणि शिक्षक व शिक्षकेतर कर्मचारी यांनी अभिनंदन करुन पुढील वाटचालीसाठी हार्दिक शुभेच्छा दिल्या आहेत.