। चिपळूण । प्रतिनिधी ।
कोकण विभागीय मंडळ रत्नागिरी यांच्यावतीने एप्रिल 2022 मध्ये आयोजित करण्यात आलेल्या शालांत प्रमाणपत्र परीक्षेत सह्याद्री शिक्षण संस्था संचलित गोविंदराव निकम माध्यमिक व उच्च माध्यमिक विद्यालयाने घवघवीत यश संपादन केले असून यशाची उज्वल परंपरा कायम राखली आहे. या परीक्षेसाठी विद्यालयातून मराठी व सेमी इंग्रजी माध्यमातून 301 विद्यार्थी प्रविष्ट झाले होते. त्यापैकी 298 विद्यार्थी उत्तीर्ण झालेले आहेत व विद्यालयाचा शेकडा निकाल 99 इतका लागला आहे. विद्यालयातून प्रणव गडदे 96.20 टक्के गुण प्राप्त करून प्रथम क्रमांक मिळवला आहे, तर श्रुती शिंदे 94.40% व श्रद्धा भालेकर व हर्ष शिवडे 93.60% गुण प्राप्त करून अनुक्रमे द्वितीय व तृतीय क्रमांक पटविण्याचा बहुमान प्राप्त केलेला आहे. उत्तीर्ण विद्यार्थ्यांपैकी विशेष प्रावीण्य 92 विद्यार्थी, प्रथम श्रेणी 139 विद्यार्थी व द्वितीय श्रेणी 62 विद्यार्थ्यांनी प्राप्त केली आहे. 90 टक्क्यांपेक्षा जास्त गुण प्राप्त करणार्या विद्यार्थ्यांची संख्यासुद्धा उल्लेखनीय आहे.
यशस्वी सर्व विद्यार्थी व त्यांना मार्गदर्शन करणार्या सर्व शिक्षकांचे सह्याद्री शिक्षण संस्थेचे कार्याध्यक्ष आमदार शेखर निकम, संस्थेचे सचिव महेश महाडिक, संस्थेचे अध्यक्ष बाबासाहेब भुवड, ज्येष्ठ संचालक व शालेय समितीचे चेअरमन शांताराम खानविलकर, संस्थेचे सर्व संचालक व पदाधिकारी, पालक-शिक्षक संघाचे उपाध्यक्ष, शालेय समितीचे सर्व पदाधिकारी व विद्यालयाचे मुख्याध्यापक रफिक मोडक, उपमुख्याध्यापक विजय काटे, पर्यवेक्षक उद्धव तोडकर, ज्युनिअर विभागाचे प्रमुख विजय चव्हाण, एम.सी.व्ही.सी विभाग प्रमुख सलीम मोडक, विद्यालयातील सर्व शिक्षक, शिक्षकेतर कर्मचारी यांनी अभिनंदन केले आहे.