महाडमध्ये सावरकर गौरवयात्रा

महाड | प्रतिनिधी |

भाजप आणि शिवसेनेच्या वतीने राज्यात काढलेल्या सावरकर गौरव यात्रेचा महाड येथे समारोप झाला. माणगाव येथून निघालेली ही यात्रा सायंकाळी सात वाजता महाडच्या छत्रपती शिवाजी महाराज चौकामध्ये दाखल झाली. तत्पूर्वी चवदारतळे येथे देखील या गौरव यात्रेचे स्वागत करण्यात आले. छ.शिवाजी महाराज चौक येथे उपस्थित नागरिकांना संबोधित करताना आ. भरत गोगावले यांनी सावरकर यात्रा काढण्यास राहुल गांधी जबाबदार असल्याचे सांगितले. स्वातंत्र्यवीर सावरकर यांचे स्वातंत्र्य लढ्यातील योगदान हे मोलाचे होतेच आणि ते कोणीही विसरू शकत नाही असे सांगून एकदा तरी अंदमानला भेट द्या मग सावरकर समजतील असा टोला काँग्रेस पक्षाला दिला.
 समाजात एक म्हण प्रचलित आहे ती म्हणजे हात पिवळे केल्याशिवाय अक्कल येत नाही याप्रमाणे राहुल गांधींचे हात पिवळे करण्याची गरज आहे असा खरमरीत सल्ला यावेळी  गोगावले यांनी दिला. राहुल गांधी कांहीही बोलतात यामुळेच ही स्वा.सावरकर गौरव यात्रा काढावी लागली असल्याचे देखील स्पष्ट केले.