रायगड पोलीस दलात तळा तालुक्यातील तिघांची निवड
। तळा । श्रीकांत नांदगावकर ।
महाराष्ट्र राज्य पोलीस भरती परीक्षेत तळा तालुक्यातील तिघांची निवड करण्यात आली आहे. या भरतीत तळा शहरातील साईराज जयंत लिमकर, रोवला येथील विशाल विठोबा घाडगे तर गिरणे येथील स्मिता सचिन नाक्ती या तिघांनी यश संपादन केले आहे.
पोलीस भरतीचे अर्ज भरल्यापासून या तिघांनी दिवसरात्र अतिशय कठोर परिश्रम घेतले. बिकट परिस्थितीतही मनात असलेली जिद्द व मेहनतीच्या जोरावर ते या स्पर्धेला सामोरे गेले. यातील साईराज लिमकर याने मैदानी परीक्षेत 50 पैकी 45 तर लेखी परीक्षेत 100 पैकी 93 गुण मिळवले.
तसेच विशाल घाडगे याने मैदानी परीक्षेत 50 पैकी 41 तर लेखी परीक्षेत 100 पैकी 82 गुण मिळवले तर स्मिता नाक्ती हिने मैदानी परीक्षेत 50 पैकी 45 तर लेखी परीक्षेत 100 पैकी 73 गुण मिळवून यश संपादन केले. या तिघांनी मिळविलेल्या यशाबद्दल तालुक्यातील सर्व स्तरांतून त्यांच्यावर अभिनंदनाचा वर्षाव करण्यात येत आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.