। पाली । वार्ताहर ।
नवगाव मराठा समाज सुधागड-रोहाचे माजी अध्यक्ष व जेष्ठ समाजसेवक गोंडाळे गावचे राहिवासी अर्जुन श्रीपत येरापले यांचे वयाच्या 93 व्या वर्षी वृद्धापकाळाने निधन झाले. उत्कृष्ट भाषाशैली, प्रभावी व परखड बोलणे हि त्यांची खास ओळख. समाजाप्रती असलेली निष्ठा व प्रेम यामुळे त्यांनी समाजाची अविरत सेवा केली. त्यांच्या या चांगल्या कर्तृत्वाने त्यांनी नवगाव मराठा समाज सुधागड रोहा या समाजातील बांधवांच्या घराघरात व तरुणांच्या हृदयात आपले स्थान मिळविले. त्यांच्या पश्चात पाच मुलगे, दोन मुली, सुना,नातवंडे, पतवंडे असा मोठा परिवार आहे. त्यांचे उत्तरकार्य रविवार दि.22 रोजी त्यांच्या राहत्या घरी गोंडाळे येथे होणार आहे.