मुरुड तालुक्यात सर्व्हर डाऊन
धान्य वितरण सेवा खंडित
। कोर्लई । वार्ताहर ।
मागील महिन्याच्या पंधरवड्यापासून सर्व्हर डाऊनमुळे रास्त भाव धान्य वितरण सेवा वारंवार खंडित होत असून, याचा रास्त भाव धान्य दुकानदार व शिधापत्रिकाधारकांना त्रास सहन करावा लागत आहे. सर्व्हर सेवा लवकरात लवकर पूर्ववत व सुरळीत मिळावी, अशी मागणी रास्त भाव धान्य दुकानदार संघटनेचे अध्यक्ष गिरीश साळी यांनी तहसीलदार रोहन शिंदे यांच्याशी चर्चा करताना केली. यावेळी तालुक्यातील सर्व रास्त भाव धान्य दुकानदार उपस्थित होते.
जुलै महिन्याच्या 18 तारखेपासून तालुक्यात रास्त भाव धान्य वितरणात पॉज मशीन वारंवार बंद पडत असल्याने धान्य वाटपात अडचणी येत असून, यामुळे शिधापत्रिकाधारकांना तासन्तास ताटकळत उभे राहावे लागते आहे. वेळप्रसंगी पावतीसाठी नंबर जवळ आला असता सर्व्हर डाऊनमुळे मशीन बंद पडल्यास मशीन सुरू होईपर्यंत नाही तर दुसर्‍या दिवशी पुन्हा रांगेत उभे राहावे लागत असल्याने नाराजीचा सूर दिसून येत आहे. याचा रास्त भाव धान्य दुकानदार व शिधापत्रिकाधारकांना त्रास होत असल्याने तालुका रास्त भाव धान्य दुकानदार संघटनेचे अध्यक्ष गिरीश साळी यांनी सर्व रास्त भाव धान्य दुकानदारांसमवेत तहसीलदार यांची भेट घेऊन सर्व्हर सेवा लवकरात लवकर पूर्ववत व सुरळीत मिळावी, अशी मागणी केली.
तालुक्यातील धान्य वितरणात सर्व्हर डाऊनचा प्रश्‍न लवकरच मार्गी लागेल व कोणीही पात्र लाभार्थी धान्यापासून वंचित राहणार नाही.
रोहन शिंदे, तहसीलदार
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.