कर्जतमधील सहकारी आदिवासी सोसायटींवर शेकापचे वर्चस्व

। नेरळ । प्रतिनिधी ।
कर्जत तालुक्यातील निवडणूक होत असलेल्या सर्व 13 सहकारी सेवा संस्थाची निवडणूक बिनविरोध झाली आहे. तालुक्यातील पोशिर, सुगवे, वाकस, नांदगाव या आदिवासी सेवा संस्थांवर शेतकरी कामगार पक्षाने आपले वर्चस्व राखले आहे.

कर्जत तालुक्यातील कर्जत तमनाथ, वेणगाव गौरकामत, कशेळे, खांडस, नेरळ, कळंब, आंबिवली, पोशिर, नांदगाव, सुगवे, कशेळे, वारे, भालीवडी या 13 विविध विकास कार्यकारी सेवा संस्था यांच्या सार्वत्रिक निवडणुकांचा कार्यक्रम जाहीर झाला होता. त्या सर्व सहकारी सेवा संस्थांच्या निवडणुका बिनविरोध झाल्या असून, लवकरच कर्जत तालुका कृषी उत्पन्न बाजार समितीची निवडणूक होण्याची शक्यता निर्माण झाली आहे. तर, निवडणुका झालेल्या आदिवासी सेवा संस्थांवर शेतकरी कामगार पक्षाने पुन्हा एकदा वर्चस्व मिळविले आहे.

वाकस आदिवासी सेवा संस्थेच्या निवडणुकीमध्ये शेकाप 9, राष्ट्रवादी 1 तर शिवसेना 2 जागांवर निवडून आली आहे. संचालक बिनविरोध, सर्वसाधारण आदिवासी- अनंता वाघमारे, वसंत निर्गुडा, सुरेश भोसले, रमेश वाघमारे, गणेश पवार, शांताराम पवार तर सर्वसाधारण बिगर आदिवासी- संतोष वैखरे, मनोहर भागीत व महिला राखीव- मीराबाई पेमारे, वंदना मोरे, अनुसूचित जाती-जमाती- कृष्णकांत कदम, इतर मागासवर्गीय राखीव- बबन धुळे, भटक्या विमुक्त जाती- रिक्त असून, या निवडणुकीचे काम निवडणूक निर्णय अधिकारी दिलीप सोनवणे यांनी पाहिले.

सुगवे आदिवासी सेवा संस्थेच्या निवडणुकीमध्ये शेकाप 11, राष्ट्रवादी 1, शिवसेना 1 जागेवर निवडून आली आहे. संचालक बिनविरोध – सर्वसाधारण आदिवासी- धर्मा सराई, काशिनाथ पादिर, शंकर सराई, पदू पिंगळा, राम सराई, शिवराम पिंगळा तर सर्वसाधारण बिगर आदिवासी- यशवंत जाधव, भूषण पेमारे, महिला राखीव- उषा पेमारे, मीरा पिंगळा, अनुसूचित जाती-जमाती- अशोक दूधसागर, इतर मागासवर्गीय राखीव- गजानन पेमारे, भटक्या विमुक्त जाती राखीव- जयेश वखारे असून, या निवडणुकीचे काम निवडणूक निर्णय अधिकारी शाम कपोते यांनी पाहिले.
नांदगाव आदिवासी सेवा संस्थेच्या निवडणुकीमध्ये शेकाप 8, राष्ट्रवादी 3, शिवसेना 2 तर संचालक बिनविरोध, सर्वसाधारण आदिवासी- दीपक ब्रम्हांडे, कैलास हेमाडे, बबन गोसावी, रमेश वाघमारे, दत्तू झुगरे, दाजी कांबडी, सर्वसाधारण बिगर आदिवासी – दीपक फोपे, अशोक भुसाळ, महिला राखीव- वंदना हेमाडे, ताराबाई कराळे, इतर मागासवर्गीय राखीव- भास्कर आगीवले, भटक्या विमुक्त जाती- अंकुश कोकरे असून, या निवडणुकीचे काम निवडणूक निर्णय अधिकारी प्रदीप घुसले यांनी पाहिले.
पोशिर आदिवासी सेवा संस्थेच्या निवडणुकीमध्ये शेकाप 9, शिवसेना 1, राष्ट्रवादी 1, संचालक बिनविरोध, सर्वसाधारण आदिवासी- जनार्दन मुकणे, सुरेश वाघ, रमेश वळवे, गणपत भगत, अनंता हिंदोळा, ताई भगत, सर्वसाधारण बिगर आदिवासी- प्रकाश फराट, सूर्याजी भिसे, महिला राखीव- माया शेकटे, मनीषा भगत, इतर मागासवर्गीय राखीव- जयवंत वेहले, अनुसूचित जाती-जमाती/भटक्या विमुक्त जाती राखीव- दोन्ही रिक्त असून, या निवडणुकीचे काम निवडणूक निर्णय अधिकारी दिलीप सोनवणे यांनी पाहिले.