| अकोला | वृत्तसंस्था |
अकोल्यात एका वृद्ध महिलेवर बलात्कार झाल्याची धक्कादायक घटना घडली आहे. या घटनेतील तिन्ही आरोपी फरार असून त्यांचा शोध चालू आहे.
अकोला येथील एका घटनेने समाजमन सुन्न झाले आहे. मंगळवारी (दि.29) दुपारी अडीच वाजताच्या सुमारास ही घटना घडली आहे. अकोला बस स्थानकावरून 78 वर्षीय वृद्ध महिला ही दुपारी एसटी-बसने दाळंबी गावाला जाण्यासाठी निघाली होती. सव्वादोनला दाळंबी गावातच असलेल्या राष्ट्रीय महामार्गावर वृद्ध महिला पोचली आणि तिथे उतरली. येथून गावाकडे पायी जात असताना तिथे तीन जण मोटरसायकलने आले आणि घरी सोडतो असे सांगत 30 ते 35 वयोगटातील 3 अज्ञात तरूणांनी तिला रस्त्यालगत असलेल्या एका लिंबाच्या शेतात घेऊन गेले. तिघांपैकी तीस ते पस्तीस वर्षाच्या एका व्यक्तीने तिच्यावर अत्याचार केला. हा प्रकार कोणाला सांगितल्यास जीवे ठार मारू अशी धमकीही वृद्ध महिलेला देण्यात आली.
या दरम्यान, गावातीलच दोन लोक रस्त्यावरून जात असताना वृद्ध महिलेला दिसले. तिने आरडाओरड सुरू केली. आवाज कानावर पडतातच त्या दोन्ही व्यक्तींनी शेताकडे धाव घेतली. हे पाहताच अत्याचार करणाऱ्या तिघांनी घटनास्थळावरुन पळ काढला. असून तिघेही जण फरार आहेत. गावातील दोन्ही व्यक्ती वृद्ध महिलेजवळ पोहचताच त्यांनी सुखरूपपणे तिला घरी सोडलं. वृद्ध महिलेने आपल्यासोबत घडलेल्या सर्व प्रकार कुटुंबीयांना सांगितला. त्यानंतर लगेच कुटुंबीयांनी बोरगाव मंजू पोलीस ठाण्यात घडलेल्या प्रकरणाबद्दल तक्रार नोंदवली. या प्रकरणात पोलिसांनी गुन्हे दाखल करून आरोपींचा शोध सुरू केला आहे.