श्रेयस खेडेकरचे शिष्यवृत्ती परीक्षेत यश

| कोर्लई | वार्ताहर |

मुरुड तालुक्यातील काशिद-चिकणी येथील रायगड जिल्हा परिषदेच्या काशिद प्राथमिक शाळेचा इयत्ता पाचवीतील विद्यार्थी श्रेयस योगेश खेडकर याने शिष्यवृत्ती स्पर्धा परीक्षेत मुरुड तालुक्यात तृतीय क्रमांक पटकावला आहे. याबद्दल त्याचे सर्वत्र कौतुक व अभिनंदन केले जात आहे. काशीद प्राथमिक शाळेचे मुख्याध्यापक प्रकाश नांदगावकर, स्कॉलरशिप तज्ज्ञ नरेश पाकले, प्रमोदिनी म्हात्रे तसेच वडील योगेश खेडेकर व त्याची आई जान्हवी खेडेकर यांचे श्रेयसला मोलाचे मार्गदर्शन लाभले. त्याने मिळवलेल्या यशाबद्दल तालुका पंचायत समितीचे गटशिक्षणाधिकारी सुनील गवळी, केंद्रप्रमुख दिनेश म्हात्रे, सर्व शिक्षकवृंद, काशिद ग्रामपंचायत, शालेय व्यवस्थापन समिती, काशिद चिकणी ग्रामस्थ, समाजातील विविध मान्यवरांकडून अभिनंदन व कौतुक होत आहे.