सोनिया गांधींची प्रकृती खालावली
दिल्लीतील सर गंगाराम रुग्णालयात उपचार सुरु
। नवी दिल्ली । वृत्तसंस्था ।
काँग्रेसच्या ज्येष्ठ नेत्या सोनिया गांधी यांना दिल्लीतील सर गंगा राम रुग्णालयात दाखल करण्यात आले आहे. मिळालेल्या माहितीनुसार त्यांची प्रकृती खालावल्याने त्यांना मंगळवारी (दि.6) सकाळी रुग्णालयात दाखल करण्यात आले. सध्या त्यांची प्रकृती स्थिर असून त्यांना एका तज्ज्ञ चेस्ट स्पेशालिस्ट डॉक्टरांच्या देखरेखीखाली ठेवण्यात आले आहे.
रुग्णालय प्रशासनाने दिलेल्या माहिकीनुसार, सोनिया गांधी यांना नियमित आरोग्य तपासणीसाठी दाखल करण्यात आले आहे. सोनिया गांधी बऱ्याच काळापासून श्वसनाच्या समस्याने त्रस्त आहेत. त्यामुळे त्या वारंवार तपासणीसाठी रुग्णालयात येत असतात. दरम्यान आता दिल्लीतील वाढत्या प्रदूषणामुळे त्यांना हा त्रास अधिक जाणवू लागल्याने त्यांना रुग्णालयात हलवण्यात आले आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.