तलवारीने वार करून लाकडी काठीने मारहाण
| पनवेल | वार्ताहर |
तलवारीने वार करून लाकडी काठ्या आणि बांबूने मारहाण केल्याप्रकरणी चौघांविरोधात खारघर पोलीस ठाण्यात गुन्हा दाखल करण्यात आला. सुदर्शन खंडागळे, रोहित होळकर, विपुल आणि विवेक शिंदे अशी चौघांची नावे आहेत.
विशाल सिंह कुवर बहादुर सिंह (29) तळोजा फेस वन सेक्टर 10 येथे राहात आहे. तो देशी दारू विक्रीचा व्यवसाय करतो. खारघर रेल्वे स्टेशनजवळ रिक्षा चालवणारे सुदर्शन खंडागळे व त्याचे मित्र विवेक शिंदे, रोहित होळकर व विपुल हे त्यांच्याकडून देशी दारू विकत घेत असत. सात डिसेंबर रोजी सुदर्शन खंडागळे यांनी झोपेतून उठवून देशी दारू मागितली. यावेळी दारू संपली असून, उद्या आलात तर भेटेल, असे सांगितले. यावेळी सुदर्शनने शिवीगाळ केली. त्यानंतर आठ डिसेंबर रोजी सुदर्शन, विवेक, रोहित आणि विपुल हे त्या ठिकाणी आले आणि त्यांनी रात्रीच्या प्रकाराबाबत जाब विचारला. यावेळी सुदर्शन खंडागळेने तलवारीने डोक्यावर डाव्या बाजूला घाव घालून दुखापत केली आणि त्याच्या मित्रांनी लाकडी काठी आणि बांबूने मारहाण केली. यावेळी झोपडीत असलेले मित्र अरुण आणि रायकुमार हे बाहेर आले, त्यावेळी सुदर्शनने त्यांच्या डोक्यावर तलवारीने वार केले आणि सोबतच्या मित्रांनी लाकडी काठीने मारहाण करून जखमी केले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.