वाचनसंस्कृती टिकवण्यासाठी प्रयत्न करा: दीपाली जोशी
| मुरुड जंजिरा | वार्ताहर |
मुरुड सार्वजनिक वाचनालयाची 150 वर्षांकडे वाटचाल सुरू असून, वाचनालयात 25 हजारांहून अधिक ग्रंथसंपदा उपलब्ध आहे. सध्याच्या मोबाईलच्या जमान्यात वाचनाची गोडी कमी झाली आहे. वाचनसंस्कृती टिकविण्यासाठी सर्वांनी प्रयत्न केले पाहिजेत, असे प्रतिपादन मुरुड सार्वजनिक वाचनालयाच्या उपाध्यक्षा दीपाली जोशी यांनी केले.
सार्वजनिक वाचनालयात भरविण्यात आलेल्या पुस्तक प्रदर्शनाचा शुभारंभ करताना त्या बोलत होत्या. यावेळी सार्वजनिक वाचनालयाचे अध्यक्ष जयवंत अंबाजी, कार्यकारिणी सदस्य नितीन पाटील, अच्युत चव्हाण, विनय मथुरे, सेवानिवृत्त संघटनेचे अध्यक्ष नयन कर्णिक, ज्येष्ठ वाचक सि.तु. दिवेकर, अस्मिता पेंडसे, स्वप्निल भायदे, रायगड जिल्हा ग्रंथालय संघाचे अध्यक्ष संजय बोंदार्णे आदी उपस्थित होते. संजय बोंदार्डे आपल्या मनोगातात म्हणाले की, विद्यार्थ्यांच्या जीवनात वाचनाचे महत्त्व अनन्यसाधारण आहे. वाचनसंस्कृतीचा प्रचार, प्रसार जिल्ह्यात व्हावा म्हणून पुस्तक प्रदर्शन भरवित असून, प्रदर्शनात ऐतिहासिक, धार्मिक तसेच पाककृती अशी विविध प्रकारची पुस्तके विक्रीसाठी ठेवली असल्याची माहिती त्यांनी दिली. यावेळी पुस्तक निवड समितीने निवडक ग्रंथ वाचनालयासाठी खरेदी केली.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.