सोनसाखळी खेचून आरोपी फरार

| पनवेल | वार्ताहर |

अ‍ॅटीव्हासारख्या स्कुटी गाडीवरुन एका महिलेच्या समोर येऊन त्यांच्या गळ्यातील सोन्याची चेन खेचून पसार झाल्याची घटना पनवेल शहरातील पनवेल बस स्टॉपच्या मागे असलेल्या पाण्याच्या टाकीसमोरील रस्त्यावर घडली आहे. इंदिरा इसाक नाडर (63), रा. तक्का गाव यांच्यासमोर अ‍ॅक्टीव्हासारख्या स्कुटीवरुन आलेल्या एका अज्ञात इसमाने त्यांच्या गळ्यातील जवळपास 75 हजार रुपये किमतीची सोन्याची चेन खेचून तो पसार झाला आहे. या घटनेची नोंद पनवेल शहर पोलीस ठाण्यात करण्यात आली आहे.