पक्ष्याने उपचारादरम्यान सोडला प्राण

पक्षी मित्रांच्या प्रयत्नांची पराकाष्ठा अपयशी

| पाताळगंगा | प्रतिनिधी |

हाळ येथील रफिक कर्जीकर यांच्या घराच्या छपरावर आलेल्या दुर्मिळ सारस पक्षाला उपचारासाठी घेऊन जाण्याकरिता ॲम्बुलन्स या ठिकाणी आली. पशुवैद्य विष्णू काळे यांनी प्राथमिक उपचार सुरू केले. मात्र त्या दरम्यान दुर्दैवाने त्या पक्षाचा मृत्यू झाला.

ग्रामीण अथवा शहरी भागात पक्षी येण्यांचे प्रमाण दिवसेंदिवस वाढत चालले आहे. असाच एक दुर्मिळ पक्षी हाळ गावातील रफिक कर्जीकर यांच्या घराच्या छपरावर आला. काही तास त्याच ठिकाणी असल्यामुळे तो अशक्त वाटत असल्याने त्यांनी अपघातग्रस्तांचे गुरुनाथ साठेलकर यांच्याशी संपर्क साधला. हा पक्षी दुर्मिळ असल्यामुळे प्राणीपक्षी सर्पमित्र योगेश शिंदे आणि सुकृत गोटस्कर यांनी तो दुर्मिळ असा सारस पक्षी असल्याचे सांगितले. या पक्षांना अलगद पकडून सुरक्षित ठिकाणी ठेवून अन्न आणी पाण्यांची व्यवस्था करण्यांत आली. सारस पक्षी वरवर पाहता अशक्त दिसत असल्याने पक्षी मित्र आणि या क्षेत्रातील अभ्यासक अभिजीत घरत यांनी खास प्राणी पक्ष्यांवर इलाज करणाऱ्या रेस्क्यू संस्था – पुणे यांच्याशी संपर्क साधला. त्या संस्थेचे सदस्य हर्षद हे तातडीने या ठिकाणी हजर झाले.

सारस पक्षी अभ्यासक्रमाव्यतिरिक्त कोणास परिचित नसल्यामुळे, त्याला पाहण्यासाठी गावकऱ्यांनी गर्दी केली. बहुतेक हा पक्षी पुन्हा भरारी घेईल, मात्र ही आशा फोल ठरली. मात्र या पक्षाला वाचविण्यासाठी घेतलेली सर्वांनी ती धडपड,पाहताना प्रत्येकाला मनाला छेदून जात होती.मात्र असा पक्षी आपण आपल्या आयुष्यात कधी पाहिला नसल्याचे ग्रामस्थ बोलत होते.