माथेरानच्या दरीत सापडला तरुणाचा मृतदेह
| अलिबाग | वातार्हर |
माथेरान येथील लुझा पॉईंटमधील एका दरीत 35 वर्षीय तरुणाचा मृतदेह सापडला. ही घटना मंगळवारी (दि. 13) रोजी घडली असून, याप्रकरणी माथेरान पोलीस ठाण्यात आकस्मात मृत्यूची नोंद करण्यात आली आहे.
रायगड जिल्ह्यातील माथेरान हे पर्यटनाच्या दृष्टीने महत्त्वाचे ठिकाण ओळखले जाते. या ठिकाणी मोठ्या संख्येने पर्यटक फिरण्यास येतात. मंगळवारी लुझा पॉईंटजवळील एका दरीत अनोळखी तरुणाचा मृतदेह आढळून आला. या घटनेची माहिती पोलिसांना मिळताच त्यांनी घटनास्थळी धाव घेऊन मृतदेहाची पाहणी केली. आजूबाजूला चौकशी करण्यात आली. मात्र, मृत तरूण स्थानिक असल्याचे आढळून आले नाही. त्याची अद्याप ओळख पटलेली नाही. माथेरानमध्ये फिरण्यास आलेल्या पर्यटकांपैकी एकाचा मृतदेह असल्याची शक्यता वर्तविली जात आहे. रायगड जिल्ह्यासह आजूबाजूच्या जिल्ह्यात बेपत्ता असलेल्या तरुणाची माहिती घेण्यास पोलिसांनी सुरुवात केली आहे. या गुन्ह्याचा अधिक तपास सहाय्यक फौजदार गिरी करीत आहेत.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.