दिवाळी पहाट कार्यक्रमाने गावपण जागवले- प्रा.एल. बी पाटील

| चिरनेर | प्रतिनिधी |

जनसेवेतून आनंद देणार्‍या वशेणी इतिहास संपादकीय मंडळ प्रस्तुत दिवाळी पहाट 2024 हा कार्यक्रम नुकताच उरण तालुक्यातील वशेणी गावात पहिल्यांदाच संपन्न झाला. या कार्यक्रमाच्या उद्घाटनप्रसंगी रायगड भूषण प्रा.एल बी पाटील, मधुबन कट्टा अध्यक्ष रामचंद्र म्हात्रे, वशेणी गावच्या सरपंच अनामिका म्हात्रे, ग्रामपंचायत सदस्य प्रिती पाटील, साहित्यिक ए.डी. पाटील, मधुबन कट्टा अध्यक्ष रामचंद्र म्हात्रे, साहित्यिक नरेश गणपत पाटील, संजय होळकर, अजय शिवकर, हसुराम म्हात्रे, सुरेंद्र म्हात्रे, निलेश म्हात्रे, डॉ. संचित गावंड, डॉ. कुंजवी म्हात्रे आदी मान्यवर उपस्थित होते.

दिवाळी पहाट या कार्यक्रमात उरण, पेण, पनवेल आणि ठाणे परिसरातील गौरी कोरगावकर, हर्षाली म्हात्रे, सानिका पाटील, रमेश थवई, संदीप गावंड, रमणिक म्हात्रे, रमण पंडित, शिवपार्वती भजन मंडळ, भक्ती ठाकूर, रवींद्र खोत, गणेश खोत, गौरीश पाटील,किशोर पाटील, अक्षता गोसावी, अनिल भोईर आणि बासरी बादक प्रकाश बागडे या कलाकारांनी दीपावली आणि भारतीय संस्कृती जतन करणारी सुरेल गीते सादर करून रसिक वर्गाला मंत्रमुग्ध केले. दिवाळी पहाट कार्यक्रमाचे औचित्य साधून छोट्या पडद्यावर आणि चित्रपटसृष्टीत नावारूपाला येऊ पाहणारी वशेणी गावची भूमीकन्या अभिनेत्री प्रज्ञा प्रमोद म्हात्रे हिचा सन्मान करण्यात आला. यावेळी रायगडभूषण प्रा.एल बी पाटील यांनी वशेणी इतिहास संपादकीय मंडळाचे कौतुक केले.

कार्यक्रमाचे सूत्रसंचालन मंडळाचे कार्यवाहक श्री.मच्छिंद्रनाथ म्हात्रे यांनी केले. या कार्यक्रमास शर्मिला गावंड, ह.भ.प. अनिल महाराज, निळकंठ महाराज, नंदकुमार महाराज, सेवानिवृत्त प्रा. गणपत ठाकूर, सदाशिव पाटील, संजय होळकर, संजीव पाटील, माजी सरपंच जीवन गावंड, प्रसाद पाटील, शाम ठाकूर, कृष्णा ठाकूर, रेवती गावंड, ग्रामपंचायत सदस्य गणेश म्हात्रे, जयंता पाटील, संग्राम पाटील, प्रीतम म्हात्रे आदी मान्यवर उपस्थित होते.