विधीमंडळ समितीची ग्वाही,रायगडातील कामांचा आढावा
। अलिबाग । विशेष प्रतिनिधी ।
भारतीय संविधानाने समाजातील दुर्बल घटकांना सबल घटकांच्या बरोबरीने विकासाची संधी दिली आहे. याच अनुषंगाने इतर मागासवर्गीयांच्या कल्याणासाठी राज्य शासनाने काय उपाय योजना कराव्यात याचा अभ्यास व परिक्षण करुन याविषयीची माहिती दोन्ही सभागृहांना सादर करण्यास महाराष्ट्र विधान मंडळ इतर मागासवर्ग कल्याण समिती कटिबध्द आहे, असे प्रतिपादन इतर मागासवर्ग कल्याण समिती प्रमुख श्री.मंगेश कुडाळकर यांनी आज येथे केले.
महाराष्ट्र विधान मंडळ इतर मागासवर्ग कल्याण समिती तीन दिवसीय रायगड जिल्हा दौर्यावर आली असून जिल्हाधिकारी कार्यालयातील राजस्व सभागृहात आयोजित बैठकीत ते बोलत होते.
यावेळी समिती सदस्य .दिपक केसरकर ,राजू कारेमोरे , डॉ.पंकज भोयर,मंजुळा गावित,अभिजित वंजारी,अवर सचिव (समिती) घ.ज्ञा.देबडवार, जिल्हाधिकारी डॉ.महेंद्र कल्याणकर, सीईओ डॉ.किरण पाटील, जिल्हा पोलीस अधीक्षक अशोक दुधे, उपवनसंरक्षक आशिष ठाकरे, पनवेल मनपा आयुक्त गणेश देशमुख, निवासी उपजिल्हाधिकारी डॉ.पद्मश्री बैनाडे, उपजिल्हाधिकारी (सा.प्र.) सर्जेराव म्हस्के-पाटील, जिल्हा पुरवठा अधिकारी मधुकर बोडके, उपजिल्हाधिकारी (निवडणूक) स्नेहा उबाळे, उपायुक्त विशाल नाईक, तहसिलदार विशाल दौंडकर, सचिन शेजाळ हे उपस्थित होते.
या बैठकीत इतर मागासवर्गीय प्रवर्गातील अधिकारी/कर्मचारी यांच्या भरती, बढती, आरक्षण, अनुशेषाबाबत व इतर कल्याणकारी योजना याबाबत संबंधित अधिकार्यांबरोबर चर्चा करण्यात आली. यावेळी जिल्हाधिकारी डॉ.महेंद्र कल्याणकर यांनी या समितीस अनुकंपा तत्वावरील नियुक्ती देताना संबंधित कुटूंबास येणार्या प्रशासकीय अडचणींविषयी शासन स्तरावर मार्ग काढण्याविषयी विनंती केली.
जिल्हाधिकारी डॉ.महेंद्र कल्याणकर,सीईओ डॉ.किरण पाटील, जिल्हा पोलीस अधीक्षक अशोक दुधे, पनवेल आयुक्त गणेश देशमुख यांनी स्वागत केले.
उपस्थित अधिकार्यांनी आपापल्या ा कार्यालयांमधील इतर मागासवर्गीय प्रवर्गातील अधिकारी/कर्मचारी यांच्या भरती, बढती, आरक्षण, अनुशेषाबाबत व इतर कल्याणकारी योजनांबाबत कशा प्रकारे कार्यवाही केली जात आहे, याबाबत महाराष्ट्र विधान मंडळ इतर मागासवर्ग कल्याण समितीस संगणकीय सादरीकरणाद्वारे माहिती दिली. या बैठकीस दत्तात्रेय ब्यागलवार , संजय हडकर , राजेंद्र भानजी (स्वीय सहाय्यक), मंगेश कांबळे, .पांडुरंग धुमाळे, सर्व मुख्याधिकारी, जिल्हाधिकारी कार्यालयातील इतर अधिकारी उपस्थित होते.