जखमी घारीच्या पिल्लाला मिळाले जीवदान

। श्रीवर्धन । वार्ताहर ।
शहरातील भैरवनाथ पाखाडी परिसरातील रहिवासी नरेश वाणी यांच्या वाडीत घारीचे तीन महिन्याचे पिल्लू जखमी अवस्थेत पडलेले आढळले. जखमी अवस्थेतील घारीला वाणी यांनी पक्षी मित्र राजेंद्र वाणी यांच्या ताब्यात दिले.कावळ्यांनी चोच मारल्यामुळे जखमी झालेल्या घारीला पक्षी मित्र राजेंद्र वाणी उपचार करून वनविभागाच्या स्वाधीन करणार आहेत.