। नागोठणे । वार्ताहर ।
नागोठण्याची आराध्य ग्रामदेवता श्री जोगश्वरी माता मंदिराच्या प्रांगणात त्रिपुरारी पौर्णिमेनिमित्त तुलसी विवाह सोहळा शुक्रवारी (दि.15) मोठ्या उत्साहाने संपन्न झाला. त्यावेळी यजमान म्हणून उत्सव समितीचे सचिव मंगेश कामथे व त्यांच्या पत्नी यांना पूजेचा मान मिळाला. या तुलसी विवाह सोहळ्याला श्री जोगेश्वरी देवस्थान विश्वस्त मंडळाचे अध्यक्ष नरेंद्रशेठ जैन, सचिव भाई टके, बाळासाहेब टके, हरेशशेठ काळे, नागोठणे पोलीस ठाण्याचे सपोनि सचिन कुलकर्णी, प्रकाश मोरे, उत्सव समितीचे अध्यक्ष नितीन राऊत, उपाध्यक्ष रुपेश नागोठणेकर, सचिव मंगेश कामथे, खजिनदार प्रथमेश काळे व सदस्य आदींसह अनेक मान्यवर, अबाल वृद्ध, महिला, तरुण-तरुणी व नागरिक या विवाह सोहळ्याला उपस्थित होते.
जोगेश्वरी मंदिरात तुलसी विवाह संपन्न
