दोन मोटारसायकल चोर ताब्यात

उरण पोलिसांची उल्लेखनीय कामगिरी

| उरण | वार्ताहर |

उरण पोलिसांनी तांत्रिक विश्‍लेषण व मिळालेल्या गुप्त माहितीच्या आधारे दोन इसमांना ताब्यात घेतले असून, त्यांच्याविरोधात एकूण सहा गुन्हे उघडकीस आले आहेत.

पोलीस सूत्रांनी दिलेल्या माहितीनुसार, आरोपी शरद भारत सांगोलकर (29, रा. वाकी घेरडी, ता. सांगोला, जि. सोलापूर), संजय तमा निमगरे (34, रा. वाकी घेरडी, ता. सांगोला, जि. सोलापूर) यांना अटक करण्यात आली आहे. तपासादरम्यान एक हिरो होंडा स्प्लेंडर मोटारसायकल (इंजिन क्रमांक 03-18 एम23221) जप्त करण्यात आली असून, संबंधित गाडीच्या आरटीओ तपासणीसाठी पत्रव्यवहार सुरू आहे. आरोपींकडून एकूण सहा मोटरसायकली असा अंदाजे एक लाख 80 हजारांचा मुद्देमाल हस्तगत करण्यात आला. ही कारवाई पोलीस उपायुक्त परिमंडळ 02 प्रशांत मोहिते, सहायक पोलीस आयुक्त (पोर्ट विभाग) विशाल नेहुल आणि वरिष्ठ पोलीस निरीक्षक जितेंद्र मिसाळ यांच्या मार्गदर्शनाखाली करण्यात आली. तपासकामी सपोनि नितीन खाडे पो.उप.नि. संजय राठोड व पथक होते.