सौरभ नेत्रवाळकर ठरला हिरो
| नवी दिल्ली | वृत्तसंस्था |
टी 20 वर्ल्डकप 2024 च्या ग्रुप A मधील सामन्यात युएसएने पाकिस्तानविरूद्धचा सामना सुपर ओव्हरमध्ये नेला. त्यांनी पाकिस्तानचे विजयासाठीचे 160 धावांचे पार करताना 20 षटकात 3 बाद 159 धावा केल्या. युएसएकडून कर्णधार मोनार्क पटेलने अर्धशतकी खेळी केली तर धडाकेबाज फलंदाज एरोन जॉन्सने नाबाद 36 धावा करत सामना टाय केला.
नाणेफेक जिंकून प्रथम गोलंदाजी करणाऱ्या युएसएने पाकिस्तानला 159 धावात रोखले. युएसएच्या नेत्रावळकर (4 षटकात 18 धावा देत 2 विकेट्स) आणि नोश्तुश किंजिगेने (3 विकेट्स) प्रभावी मारा करत पाकिस्तानची अवस्था 5 बाद 98 धावा अशी केली होती. मात्र, बाबर आझमने 43 चेंडूत 44 धावांची संथ का असेना मात्र, महत्वाची खेळी केली. त्यानंतर शादाब खानने 40 धावांचे योगदान दिले. शेवटच्या षटकात शाहीन आफ्रिदीने 23 धावा करत पाकिस्तानला 159 धावांपर्यंत पोहचवले.
पाकिस्तानचे 160 धावांचे आव्हान घेऊन मैदानावर उतरलेल्या युएसएने चांगली सुरूवात केली. कर्णधार मोनार्क पटेलने स्टीव्ह टेलरसोबत 36 धावांची सलामी दिली. त्यानंतर पाकिस्तानने कमॅबक करण्याचा प्रयत्न केला. मात्र, आंद्रेस आणि मोनार्कने दुसऱ्या विकेटसाठी 68 धावांची भागदारी रतच संघाला शतकी मजल मारून दिली. मोनार्क अर्धशतक ठोकून बाद झाला. आंद्रेस देखील 35 धावा करून पॅव्हेलियनमध्ये परतला. मात्र एरॉन जोन्स (26 चेंडूत नाबाद 36 धावा) आणि नितीश कुमार (14 चेंडूत नाबाद 14 धावा) यांनी युएसएला सामना जिंकून देण्याचा कसोशीने प्रयत्न केला. या दोघांनी सामना शेवटच्या चेंडूपर्यंत नेला. अखेर शेवटच्या चेंडूवर विजयासाठी 5 धावांची गरज असताना नितीश पटेलने चौकार मारत सामना टाय केला.
सुपर ओव्हरमध्ये युएसएने 18 धावा केल्या होत्या मात्र प्रत्युत्तरात पाकिस्तानला फक्त 13 धावाच करता आल्या. गोलंदाजीत सामन्यात दोन विकेट घेणाऱ्या सौरभ नेत्रावळकरने सुपर ओव्हरमध्ये देखील प्रभावी मारा करत विजयात मोलाचा वाटा उचलला.