उसर गेल कंपनी प्रकल्पग्रस्तांवर हल्ला; अकरा जणावर गुन्हा दाखल

। रेवदंडा । प्रतिनिधी ।
उसर गेल कंपनी प्रकल्पग्रस्त आंदोलकावर हल्ला केल्या प्रकरणी रेवदंडा पोलिस ठाणे येथे फिर्यादीनुसार अकरा जणावर गुन्हा दाखल करण्यात आला आहे. कुणे येथील महिला फिर्यादीचे पती व गावातील ग्रामस्थ प्रकल्पग्रस्त असून विविध मागणीसाठी गेल कंपनी गेट जवळ 14 फेब्रुवारीपासून आंदोलनासाठी बसले आहेत. प्रकल्पग्रस्त ग्रामस्थांना खानावमधील अकरा जणांचा विरोध आहे,महिला फिर्यादी व साक्षीदार हे सकाळी पायी चालत भेरसे येथे मोलमजुरीचे कामासाठी जात असताना, खानाव येथील सहा जणांनी गेल कंपनीत नोकरीच्या कामावरून असलेल्या वादातून मनात राग धरून रस्ताने जात असलेल्या महिला फिर्यादी व साक्षीदार यांचा रस्ता आडवून त्यांना पुढे जाण्याचा अटकाव केला तसेच शिवीगाळ व दमदाटी करून लाकडी बांबूच्या काठीने मारहाण केली. तसेच यामधील आरोपी एक यांनी साक्षीदार यांचे गळयातील सोन्याचे अर्धा तोळयाची चेन काढून घेतली.

सदर झालेला प्रकार फिर्यादी व साक्षीदार यांना सांगितला, यावेळी तेथे एकूण अकरा जण बेकायदेशीरपणे एकत्रीत येवून यामधील क्रमांक एक यांनी आणलेला मसाला फिर्यादी व गेटजवळ असलेले साक्षीदार यांच्या डोळयात उडवला व लोखंडी सळीने हातावर व पायार मारहाण करून दुखापती केल्या. तसेच यामधील आरोपींनी हातातील लाकडी काठीच्या बांबूने तसेच हाताबुक्काने फिर्यादी यांच पती व साक्षीदार मारहाण करून शिवीगाळ व दमदाटी केली. याबाबत रेवदंडा पोलिस ठाणे येथे अकरा जणाचे विरोधात गुन्हा नोंदविण्यात आला असून अधिक तपास रेवदंडा पोलिस ठाण्याचे सहा.फौजदार पडवळ हे पो.नि. अशोक थोरात यांचे मार्गदर्शनाखाली करत आहेत.