विजय म्हात्रे यांची शोकसभा

| गडब । वार्ताहर ।

छत्रपती पुरस्कार विजेते कबड्डी खेळाडु विजय म्हात्रे यांचे नुकतेच निधन झाले. त्यांच्या स्मृतींना उजाळा देण्यासाठी रायगड जिल्हा कबड्डी असोसिएशनच्या विद्यमाने शोकसभेचे आयोजन ना.ना. पाटील हायस्कुल पेझारी येथे करण्यात आले होते. यावेळी रायगड जिल्हा कबड्डी असोसिएशनचे उपाध्यक्ष हिराचंद पाटील, छत्रपती पुरस्कार विजेते संजय म्हात्रे, जनार्दन पाटील, प्रथमेश पाटील, सुमित माने, मिलिंद पाटील आदिंसह कबड्डी पंच, खेळांडु उपस्थित होते.

कबड्डी क्षेत्रात गुरुजी नावाने संबोधले जाणारे विजय म्हात्रे कबड्डीतील अभेद भिंत होती. ते महाराष्ट्र संघाचे तिन वेळा कर्णधार होते. शिस्तप्रिय खेळाडू म्हणून त्यांची ख्याती होती. विजय म्हात्रे कबड्डीतील महापुरुष होते. त्यांचा आदर्श नवोदित खेळांडुनी घ्यावा. कबड्डीचा आधारवड हरपला आसल्याच्या भावना यावेळी उपस्थितांनी व्यक्त करुन विजय म्हात्रे यांना श्रध्दांजली वाहीली.