पनवेल तालुक्यात गावठी दारु हस्तगत

। पनवेल । वार्ताहर ।
पनवेल तालुक्यातील पोयंजे गावाच्या हद्दीत बेकायदेशीररित्या गावठी दारु जवळ बाळगणार्‍या एका इसमास पनवेल तालुका पोलिसांनी ताब्यात घेतले आहे. तालुक्यातील पोयंजे गावाच्या हद्दीत गावदेवी मंदिराच्या बाजूला असलेल्या मोकळ्या जागेत आरोपी रोहिदास चोरघे (32) याने बेकायदेशीररित्या गावठी हातभट्टीची दारु जवळ बाळगल्याची माहिती व.पो.नि. रवींद्र दौंडकर यांना मिळताच त्यांच्या मार्गदर्शनाखाली पो.उपनिरीक्षक आकाश पवार, सहा.फौ.मनोहर चव्हाण, पो.ना.राकेश मोकल आदींच्या पथकाने त्या ठिकाणी छापा टाकून त्याच्याकडून जवळपास 300 रुपये किंमतीची गावठी दातभट्टी दारु हस्तगत केली आहे. व त्याच्या विरोधात महाराष्ट्र दारुबंदी कायदा कलम 67 (ई) प्रमाणे कारवाई केली आहे.