पीएनपी महाविद्यालयाच्या विराज म्हात्रेची आंतरविद्यापीठ राज्यस्तरीय स्पर्धेत गगनभरारी

| अलिबाग | प्रतिनिधी |

प्रभाकर पाटील एज्युकेशन सोसायटीच्या कला, वाणिज्य आणि विज्ञान महाविद्यालयातील विराज म्हात्रे या विद्यार्थ्याने नुकत्यात झालेल्या अहमदनगर येथील आंतरविद्यापीठ राज्यस्तरीय स्पर्धेमध्ये मुंबई विद्यापीठाला तालवाद्य या स्पर्धेमध्ये प्रथम क्रमांक मिळवून दिला. विराज सध्या पीएनपी महाविद्यालयात शिक्षण घेत आहे.

विराजच्या या यशाबद्दल संस्थेच्या कार्यवाह चित्रलेखा पाटील यांनी विराजचे अभिनंदन केले आणि पुढील कामगिरीसाठी शुभेच्छा दिल्या. त्याचप्रमाणे महाविद्यालयाचे प्र. प्राचार्य डॉ. ओमकार पोटे तसेच संस्थेचे एच. आर. आणि सांस्कृतिक विभागाचे मार्गदर्शक प्रा. विक्रांत वार्डे यांनी विराजने मिळवलेल्या यशाबद्दल कौतुक करून भावी वाटचालीसाठी शुभेच्छा दिल्या. विराजच्या या प्रवासामध्ये सांस्कृतिक विभाग प्रमुख प्रा. मिलिंद घाडगे आणि त्यांच्या टीमने विशेष मेहनत घेतली.