विद्यार्थ्यांकडून मतदार जनजागृती

। रसायनी । वार्ताहर ।

लोकसभा सार्वत्रिक निवडणूक 2024 अनुषंगाने स्वीप कार्यक्रमांतर्गत शिवनगर येथे मतदार जनजागृती रॅलीचे आयोजन करण्यात आले होते. या रॅलीमध्ये रायगड जिल्हा परिषद शाळा शिवनगरच्या सर्व विद्यार्थ्यांनी सहभाग घेतला होता. तसेच, रा.जि.प.शाळा शिवनगर येथे स्वीप मतदार जनजागृती अभियानांतर्गत घरोघरी जाऊन विद्यार्थ्यांकडून पालकांना पत्र देऊन पालकांना मतदानाचे महत्व सांगून जनजागृती करण्यात आली.

या अभियानांतर्गत शालेय विद्यार्थ्यांसाठी ‘माझे मत माझा अधिकार’ या विषयावर चित्रकला स्पर्धा घेण्यात आली. स्पर्धेत शिवनगर शाळेतील सर्व विद्यार्थ्यांनी भाग घेतला. विजेत्या स्पर्धकांचे बक्षिस देऊन अभिनंदन करण्यात आले. यासाठी शालेय मुख्याध्यापिका रजनी विनायक गायकवाड व शालेय शिक्षक मंदार वेदक यांनी मोलाचे सहकार्य केले.