| मुंबई | प्रतिनिधी |
अंधेरी पूर्व या महाराष्ट्र विधानसभा मतदारसंघाची पोटनिवडणूक गुरुवारी 3 नोव्हेंबरला होणार आहे. यासाठी सकाळी 7 ते सायंकाळी 6 वाजेपर्यंत मतदान होणार आहे. या निवडणुकीसाठी 7 उमेदवार रिंगणात आहेत. दरम्यान, या निवडणुकीत भाजपने आपला उमेदवार मागे घेतल्यानंतर निवडणुकीतील चुरस संपली आहे. ठाकरे गटाच्या ऋतुजा लटके या उभ्या आहेत.
अपक्ष उमेदवार फारसा प्रचार करत नाहीत. त्यामुळे या भागात निवडणुकीचे वातावरण नसल्यामुळे निवडणूक नाही असा समज रहिवाशांचा झाला असल्याची भीती शिवसेनेने व्यक्त केली आहे. आधीच पोट निवडणुकीत मतदानाचा टक्का कमी असतो त्यात अशी स्थिती असल्यामुळे मतदानाला किती लोक बाहेर पडतील याविषयी शंका व्यक्त केली जात आहे. त्यातच विरोधी गटाकडून नोटाच्या पर्यायाचा प्रचार सुरू असल्यामुळे शिवसेनेपुढील आव्हाने अद्यापही संपलेली नाहीत.
अंधेरी पूर्वमध्ये उद्या मतदान
![](https://krushival.in/grygrars/2021/09/election-1024x683.jpg)