विश्‍वचषकातून जैस्वालचा पत्ता कट?

। नवी दिल्ली । वृत्तसंस्था ।

टी-20 विश्‍वचषक 2024 साठी भारतीय क्रिकेट संघाची लवकरच घोषणा केली जाऊ शकते. या निवडीत आयपीएल 2024 मधील खेळाडूंची कामगिरीही महत्त्वाची ठरणार आहे.

दरम्यान, आयपीएलचा 24वा सामना राजस्थान रॉयल्स आणि गुजरात टायटन्स यांच्यात खेळला गेला. खराब फॉर्मशी झगडत असलेली यशस्वी जैस्वाल या सामन्यात चांगली कामगिरी करेल, अशी चाहत्यांना आशा होती, मात्र तसे झाले नाही. यशस्वी जैस्वाल गुजरातविरुद्ध 24 धावा करून बाद झाला. त्याला उमेश यादवने आऊट केले. आतापर्यंतचा हा हंगाम यशस्वीसाठी खूपच खराब गेला आहे. त्याने त्याच्या पहिल्या पाच सामन्यांमध्ये फक्त 63 धावा केल्या आहेत. ज्यात 24 धावा हा त्याचा सर्वोत्तम धावसंख्या आहे.

बीसीसीआयचे सचिव जय शाह यांनी आधीच घोषणा केली होती की, रोहित शर्मा टीम इंडियाचा कर्णधार असेल आणि अशा परिस्थितीत तो सलामीवीर राहील. आता त्याचा जोडीदार कोण असेल हा प्रश्‍न आहे.