शरद पवार गट ‘या’ पक्षात विलीन होणार? बड्या नेत्यानं स्पष्टच सांगितलं
| मुंबई | प्रतिनिधी |
सध्या राजकारणात अनेक उलथापालथ होत आहे. आधी शिवसेना आणि आता राष्ट्रवादी काँग्रेसमध्ये फुट पडल्यामुळे महाराष्ट्रातील राजकारण ढवळून निघाले आहे. शरद पवार गट काँग्रेसमध्ये विलीन होणार असल्याची बातमी समोर आली. पण याबाबत शरद पवार गटाच्या बड्या नेत्यानं स्पष्टपणे भूमिका मांडली. चुकीची बातमी पेरली गेल्याचं शरद पवार गटाचे पुणे शहराध्यक्ष प्रशांत जगताप यांनी म्हटलं आहे. या बातमीत काहीही तथ्य नाही. आमचा पक्ष शरद पवार आहे. आमचं चिन्ह शरद पवार आहे. त्यांच्याच नावावर आम्ही लोकांसमोर जाणार आहोत. त्यामुळे आमचा राष्ट्रवादी पक्ष काँग्रेसमध्ये विलीन होण्याच्या बातम्या म्हणजे केवळ अफवा आहेत, असं प्रशांत जगताप यांनी सांगितलं.
शरद पवार गट काँग्रेसमध्ये विलीन होणार?
शरद पवार गट काँग्रेस पक्षात विलीन होणार, अशी बातमी काहीवेळा आधी आली. त्यानंतर राजकीय वर्तुळात खळबळ उडाली. मंगलदास बांदल यांनी माध्यमांशी बोलताना शरद पवार गट काँग्रेसमध्ये सामील होण्याबाबत चर्चा सुरु आहे. याबाबत शरद पवार निर्णय घेतील, असं म्हटलं. मात्र ही अफवा असल्याचं शरद पवार गटाकडून स्पष्ट करण्यात आलं आहे.
अशा प्रकारच्या कोणत्याही मुद्द्यावर आमच्या बैठकीत चर्चा नाही. आम्ही आगामी निवडणुकीवर चर्चा केली. आमचा पक्ष काँग्रेसमध्ये विलीन होण्याचा प्रश्नच येत नाही. या सगळ्या अफवा कोण पसरवतं आहे. हे बघितलं पाहिजे.
शशिकांत शिंदे, शरद पवार गट
आम्ही काँग्रेसमध्ये विलिन होणार ही बातमी पेरण्यात आली. या बातमी कोणतंही तथ्य नाही. आम्ही तीन पक्ष मिळून एकत्र काम करू. आम्हाला लवकरात लवकर चिन्ह मिळावं यासाठी आम्ही आग्रही आहोत. आम्हाला लवकरात लवकर चिन्ह मिळावं यासाठी आम्ही आग्रही आहोत. ते आम्हाला लोकांपर्यंत पोहोचवता येईल.आम्ही ताकदीने निवडणूक लढवणार आहोत. अशोक चव्हाण ईडी,सीबीआयच्या भीतीने पळून गेले असतील. त्यांना खासगीत विचारा आज महाराष्ट्रातील शेतकरी अडचणीत आहे. त्यामुळे लोकांच्या प्रश्नांसाठी आम्ही ताकदीने लढणार आहोत.
अनिल देशमुख, शरद पवार गट
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.