सूर्यकुमार यादव आरसीबीकडून खेळणार?

| मुंबई | प्रतिनिधी |

आयपीएल 2025 मध्ये अनेक बदल पाहायला मिळणार आहेत. आयपीएल 2025 पूर्वी या वर्षी मेगा लिलाव होणार आहे. अशा स्थितीत सर्व संघांना चार खेळाडू वगळता सर्वांना सोडावे लागणार आहे. अशा परिस्थितीत यावेळी अनेक खेळाडू इतर संघांकडून खेळताना दिसणार आहेत.

रॉयल चॅलेंजर्स बंगलोर आयपीएल 2025 साठी नवीन कर्णधाराच्या शोधात असल्याची बातमी आली आहे. आरसीबी आता फाफ डू प्लेसिसला सोडण्याच्या तयारीत आहे. अशा परिस्थितीत फ्रँचायझींचा नजर भारतीय खेळाडूवर आहे जो पुढील काही वर्षांत संघाची धुरा सांभाळू शकेल आणि संघाला पहिले विजेतेपद मिळवून देऊ शकेल. आरसीबीला सूर्यकुमार यादवला आपल्या संघात आणायचे असल्याची चर्चा होत आहे. आरसीबीला सूर्यकुमारला कर्णधार बनवायचे आहे, असेही म्हटले जात आहे. या खेळाडूसाठी मुंबई इंडियन्सला कितीही रक्कम देण्यास फ्रेंचायझी तयार आहे. आयपीएलच्या नियमांनुसार, सर्व संघ मेगा लिलावापूर्वी प्रत्येकी चार खेळाडूंना कायम ठेवू शकतात. उर्वरित सर्व खेळाडूंना संघांना सोडावे लागेल. याशिवाय लिलावापूर्वी संघ आपापसात व्यापारही करू शकतात. यामध्ये खेळाडूंची देवाणघेवाण होते किंवा एक संघ दुसऱ्या संघाला खेळाडू घेण्यासाठी पैसे देतो. आरसीबीला सूर्यकुमार हवा असेल तर मुंबईशी व्यापार करू शकतो. आयपीएल 2025 च्या संदर्भात असेही अहवाल आले होते की, संघांना कायम ठेवण्यासाठी खेळाडूंची संख्या वाढवायची आहे. मात्र, बीसीसीआय यासाठी तयार नाही. ताज्या अहवालात, असा दावा करण्यात आला आहे की बीसीसीआय आणि सर्व संघांनी आयपीएल 2025 साठी चार खेळाडू आणि दोन आरटीएम ठेवण्यास सहमती दर्शविली आहे. आतापर्यंत आयपीएल गव्हर्निंग कौन्सिल किंवा बीसीसीआयने याबाबत कोणतेही अधिकृत वक्तव्य जारी केलेले नाही.