तरुणाची गळफास घेऊन आत्महत्या

। माणगाव । वार्ताहर ।

माणगाव तालुक्यातील कोस्ते आदिवासीवाडी येथील एका 25 वर्षीय तरुणाने कोणत्यातरी अज्ञात कारणास्तव गळफास घेऊन आत्महत्या केली. ही घटना सोमवारी (दि. 04) रात्री 11 वाजण्याच्या सुमारास घडली. या घटनेची नोंद माणगाव पोलीस ठाण्यात दाखल करण्यात आली असून पोलीस अधिक तपास करत आहेत.

पोलिसांनी दिलेल्या माहितीनुसार, घटनेतील मयत अनिल गोपाळ जाधव (25) हे माणगाव तालुक्यातील कोस्ते आदिवासीवाडी येथील रहिवासी असून यांनी सोमवारी (दि. 04) रात्री 11 च्या सुमारास गळफास घेऊन आत्महत्या केली. अनिल यांच्या आत्महत्येचे कारण अद्याप समझले नाही. या घटनेची नोंद माणगाव पोलीस ठाण्यात दाखल करण्यात आली असून सदर घटनेचा अधिक तपास पोलीस निरीक्षक निवृत्ती बोऱ्हाडे यांच्या मार्गदर्शनाखाली पोलीस हवालदार तुणतुणे करीत आहेत.