आयपीएल लिलावासाठी 1166 खेळाडूंची नोंदणी

830 भारतीय तर, 336 परदेशी खेळाडूंचा सहभाग

| नवी दिल्ली | वृत्तसंस्था |

आयपीएल 2024 पूर्वी मिनी लिलावासाठी एकूण 1166 खेळाडूंनी नोंदणी केली आहे. यामध्ये 830 भारतीय आणि 336 परदेशी खेळाडूंचा समावेश आहे. परदेशी खेळाडूंमध्ये इंग्लंडचा वेगवान गोलंदाज जोफ्रा आर्चर आणि श्रीलंकेचा अष्टपैलू खेळाडू वानिंदू हसरंगा यांनी आपली नावे दिली नाहीत. हा लिलाव 19 डिसेंबरला होणार आहे.

एकूण 212 कॅप्ड, 909 अनकॅप्ड आणि 45 सहयोगी देशांचे खेळाडू आहेत. भारताच्या कॅप्ड खेळाडूंमध्ये वरुण आरोन, केएस भरत, केदार जाधव, सिद्धार्थ कौल, धवल कुलकर्णी, शिवम मावी, शाहबाज नदीम, करुण नायर, मनीष पांडे, हर्षल पटेल, चेतन साकारिया, मनदीप सिंग, बरिंदर स्रान, शार्दुल ठाकूर, जयदेव उनाडकट, हनुमा विहारी, संदीप वारियर आणि उमेश यादव यांच्या नावांचा समावेश आहे. 10 संघांनी त्यांचे बहुतांश खेळाडू कायम ठेवले. त्यामुळे जास्तीत जास्त 77 खेळाडू खरेदी करता येतील, त्यापैकी 30 विदेशी असतील. संघांकडे 262.95 कोटी रुपये शिल्लक आहेत, यावेळी प्रत्येक संघाची पर्स 100 कोटी रुपये आहे.

25 खेळाडूंची मूळ किंमत 2 कोटी रुपये
लिलावात 25 खेळाडूंची मूळ किंमत 2 कोटी रुपये असून यामध्ये ऑस्ट्रेलियाचे 7 आणि भारताचे 4 खेळाडू आहेत. ऑस्ट्रेलियाच्या पॅट कमिन्स, ट्रॅव्हिस हेड, मिचेल स्टार्क, जोश हेझलवूड, स्टीव्ह स्मिथ, जोश इंग्लिस आणि शॉन ॲबॉट यांची मूळ किंमत 2 कोटी रुपये आहे. भारतीयांमध्ये हर्षल पटेल, केदार जाधव, शार्दुल ठाकूर आणि उमेश यादव यांच्या मूळ किमती सर्वाधिक आहेत. याशिवाय 20 खेळाडूंची मूळ किंमत 1.50 कोटी रुपये आणि 16 खेळाडूंची 1 कोटी रुपये आहे. उर्वरित 1105 खेळाडूंची मूळ किंमत 20 ते 95 लाख रुपये आहे.

फक्त 77 स्लॉट
भारतीय क्रिकेट नियामक मंडळाने (बीसीसीआय) फ्रँचायझींना लिलावात हव्या असलेल्या खेळाडूंची नावे सांगण्यास सांगितले असून त्यांनी नावे दिलेली नाहीत. जर खेळाडू पात्र आणि इच्छुक असेल तर त्याचे नाव लिलावात समाविष्ट केले जाईल. फ्रँचायझींनाही लिलावात हव्या असलेल्या खेळाडूंच्या यादीसह रजिस्टरला प्रतिसाद देण्याच्या सूचना देण्यात आल्या आहेत. फक्त 77 स्लॉट भरायचे आहेत, त्यापैकी जास्तीत जास्त 30 परदेशी खेळाडू असू शकतात.

1.5 कोटी मूळ किंमत असलेले खेळाडू
मोहम्मद नबी, मॉइसेस हेन्रिक्स, ख्रिस लिन, केन रिचर्डसन, डॅनियल सॅम्स, डॅनियल वॉरॉल, टॉम कुरन, मर्चंट डी लँग, ख्रिस जॉर्डन, डेविड मलान, टायमल मिल्स, फिल सॉल्ट, कोरी अँडरसन, कॉलिन मुनरो, जिमी नीशम, टीम साउदी, कॉलिन इंग्राम, वानिंदू हसरंगा, जेसन होल्डर, शेरफेन रदरफोर्ड.

1 कोटी मूळ किंमत असलेले खेळाडू
ॲश्टन आगर, रिले मेरेडिथ, डी’आर्सी शॉर्ट, ॲश्टन टर्नर, गुस ऍटकिन्सन, सॅम बिलिंग्स, मायकेल ब्रेसवेल, मार्टिन गुप्टिल, काइल जेमिसन, ॲडम मिल्ने, डॅरिल मिशेल, वेन पारनेल, ड्वेन प्रिटोरियस, अल्झारी जोसेफ, रोव्हमन पॉवेल, डेव्हिड विस.