मास्टर विजय तांबडकरांना ‘डेप्युटी ग्रॅन्ड मास्टर इन सिकई’ पदवी बहाल

| कोर्लई | वार्ताहर |

रायगड जिल्हा सिकई मार्शल आर्ट संघटनेचे अध्यक्ष मास्टर विजय चंद्रकांत तांबडकर यांना इंटरनॅशनल कौन्सिल ऑफ सिकईच्यावतीने 9 वी डिग्री सह ‘डेप्युटी ग्रॅन्ड मास्टर इन सिकई’ पदवी बहाल करण्यात आली असून असा सन्मान प्राप्त करणारे ते कोकण विभागातील पहिले तर संपूर्ण महाराष्ट्रात तिसरे मानकरी ठरले आहेत. या यशाबद्दल सिकई असोसिएशन महाराष्ट्रचे अध्यक्ष मजहर खान सर व महासचिव रविंद्र गायकी आणि त्यांच्या चाहत्यांकडून अभिनंदनाचा वर्षाव होत आहे.

इंटरनॅशनल कौन्सिल ऑफ सिकई आणि सिकई फेडरेशन ऑफ इंडियाच्या मार्गदर्शनात जम्मू अ‍ॅण्ड कश्मिर सिकई असोसिएशनच्यावतीने दिनांक 22 जुन ते 27 जुन दरम्यान 17 वा इंटरनॅशनल हाय अ‍ॅप्टिट्यूड ट्रेनिंग कॅम्प पहलगाम काश्मीर येथे आयोजित करण्यात आला. यामध्ये देशविदेशातील 250 पेक्षा अधिक खेळाडूंनी सहभाग घेतला. यामध्ये महाराष्ट्रातील 22 खेळाडूंनी सहभाग घेतला. या शिबिरात मास्टर विजय चंद्रकांत तांबडकर यांना इंटरनॅशनल कौन्सिल ऑफ सिकईव्दारे नववी डिग्री देऊन डेप्युटी ग्रॅन्ड मास्टर इन सिकई अशी पदवी बहाल करून गौरवण्यात आले. तसेच नागपूरचे मास्टर दिनेश राऊत यांना 7वी डिग्री देऊन सन्मान करण्यात आला.