माणगाव येथे 2 लाखांच्या लोखंडी प्लेट चोरीला

। अलिबाग । वार्ताहर ।
माणगाव मध्ये राहणार्‍या फिर्यादींच्या मालकीच्या असणार्‍या 2 लाखांच्या लोखंडी प्लेट चोरीला गेल्याची घटना घडली. हरवंडी गावातील धनराज फार्म हाउस येथे फिर्यादी रा.हरवंडी यांच्या मालकीच्या 31 लोखंडी प्लेट कोणीतरी अज्ञात चोरटयाने चोरुन नेल्या. या प्लेट्सची एकूण किंमत 2 लाख रूपये इतकी आहे. याबाबत माणगाव पोलीस ठाणे येथे गुन्हा दाखल करण्यात आला आहे.