रायगड जिल्ह्यात 33 रुग्ण; दोघांचा मृत्यू

39 कोरोनामुक्त, 12 तालुक्यात नवीन रुग्ण नाही
। अलिबाग । विशेष प्रतिनिधी ।
रायगड जिल्ह्यात मंगळवार दि. 2 नोव्हेंबर रोजी कोरोनाच्या 33 नव्या रुग्णांची नोंद झाली असून उपचारादरम्यान दोन रुग्णांचा मृत्यू झाला. तर दिवसभरात 39 रुग्ण कोरोनामुक्त झाले. तसेच 12 तालुक्यांमध्ये एकही रुग्ण नोंद झालेली नसल्याची माहिती जिल्हा प्रशासनाने दिली.
मंगळवारी पनवेल महापालिका हद्दीत 22, अलिबाग 4, पनवेल ग्रामीण 5, पेण 2 असे 33 रुग्ण आढळले. तसेच उरण, खालापूर, कर्जत, माणगाव, रोहा, तळा, मुरुड, सुधागड, म्हसळा, श्रीवर्धन, महाड, पोलादपूर  या 12 तालुक्यांमध्ये एकही नवा रुग्ण आढळून आलेला नाही.
आतापर्यंत रायगड जिल्ह्यातील एकूण कोरोना बाधित रुग्णांची संख्या 1 लाख 71 हजार 247 झाली आहे. यापैकी 1 लाख 66 हजार 311 रुग्ण कोरोनातून बरे झाले आहेत. तर मृतांचा आकडा 4 हजार 399 वर गेला आहे. सद्यस्थितीत 537 सक्रीय रुग्ण कोरोनावर उपचार घेत आहेत.