दीड वाजेपर्यंत 38.91 टक्के मतदान

| रायगड | जिल्हा प्रतिनिधी |

जिल्ह्यातील नगरपरिषद मतदानासाठी मतदार उत्स्फुर्तपणे बाहेर पडले. एक वेगळा उत्साह यावेळी दिसून आला. ज्येष्ठ मतदारांसह तरुण मतदारांचादेखील सहभाग प्रचंड होता. त्यामुळे मतदानाचा टक्का वाढत असल्याचे चित्र दिसून आले. दुपारी दीड वाजेपर्यंत 92 हजार 406 मतदारांनी मतदान केले. त्यात पुरुष 46 हजार 238 व 46 हजार 168 महिला मतदारांचा समावेश होता. दुपारपर्यंत एकूण 38.91 टक्के मतदान झाले.

कर्जत 37.02 टक्के, अलिबाग 41.71 टक्के, माथेरानमध्ये 56.45 टक्के, मुरूडमध्ये 49.04 टक्के, श्रीवर्धनमध्ये 41.85 टक्के, खोपोलीमध्ये 35.39 टक्के, उरणमध्ये 33.64 टक्के, पेणमध्ये 40.53 टक्के, महाडमध्ये 41.19 टक्के व रोहामध्ये 40.82 टक्के मतदान झाले. माथेरानमध्ये 50 टक्केपेक्षा अधिक मतदान झाले आहे. उर्वरित नऊ नगरपरिषदांमध्ये दुपारपर्यंत 50 टक्केपेक्षा कमी मतदान झाल्याची माहिती समोर आली आहे.