116 रक्तदात्यांनी केले रक्तदान
| उरण | प्रतिनिधी |
कस्टम हाऊस एजंट संघटनेच्या वतीने श्री दत्त मंदिर पाणदिवे येथे समर्पण ब्लड सेंटर कोप्रोलीच्या सहकार्याने रक्तदान शिबिराचे आयोजन केले होते. या शिबिरात 116 रक्तदात्यांनी रक्तदान केले. यामध्ये महिलांनी सहभाग नोंदवला होता. शिबिराचे उदघाटन केअर ऑफ नेचर सामाजिक संस्थेचे संस्थापक रायगडभूषण राजू मुंबईकर आणि नरेंद्र मुंबईकर यांच्या हस्ते करण्यात आले. यावेळी आगरी, कोळी, कराडी सामाजिक संस्थेचे उरण तालुका सचिव अनिल घरत, आदर्श शिक्षक दिपक पाटील, सामाजिक कार्यकर्ते अमित पाटील, क्रिकेटपट्टू योगेश म्हात्रे, कवयित्री हेमाली म्हात्रे आदी मान्यवर उपस्थित होते.रक्तदान शिबीर यशस्वी करण्यासाठी संस्थेचे पदाधिकारी आणि सर्व सदस्यांनी विशेष मेहनत घेतली.
कस्टम हाऊस एजंट बांधवांच्या हितासाठी स्थापन झालेल्या न्हावा शेवा सी.एच.ए संघटनेच्या वतीने आजवर अपघाती निधन झालेल्या आणि अपघातात जखमी झालेल्या सी.एच.ए बांधवांना आणि त्यांच्या कुटुंबियांना साडे आठ लाखाहून अधिक निधीचे वाटप झाले आहे, नवीन संकल्पना म्हणून सी.एच.ए बांधवांच्या व्यतिरिक्त कोणत्याही व्यक्तीचा अपघाती मृत्यू झाल्यास त्याच्या कुटुंबियांना देखील प्रति कुटुंब 10 हजार, अश्या मदतीच्या माध्यमातून आजवर 40,000 मदत निधीचे वाटप झाले असल्याचे संस्थेने सांगितले.