कर्जतच्या युवकाचा पुण्यात अपघाती मृत्यू
| कर्जत | वार्ताहर |
पुणे येथील सुसगावमधील शिवबा चौकात अपघात घडला आहे. कर्जत तालुक्यातील शिंगढोळ येथील सूरज नारायण भालिवडे (34) हा युवक दुचाकीवरून जात असता मागून येणाऱ्या टँकरने धडक दिली व सुमारे पंचवीस फूट फरफटत नेले. या अपघातात दुचाकी चालकाचा जागीच मृत्यू झाला.
सूरज नोकरीनिमित्त त्याच्या कुटुंबीयांसोबत मुळशी तालुक्यातील सुसगाव येथे वास्तव्यास होता. सकाळी कर्जतहून आपल्या दुचाकीने पुणे येथे नोकरीनिमित्त जात असता दुपारी साडेअकराच्या सुमारास सुसगावमधील शिवबा चौकात मागून येणाऱ्या टँकरने जोरदार धडक देऊन पंचवीस फूट फरफटत नेले. त्यातच सूरजच्या पोटावरून टँकरचे पुढील डावे चाक गेल्याने त्याचा जागीच मृत्यू झाला. त्यानंतर टँकर चालकाने पुढे रिक्षालाही धडक दिली. त्यात रिक्षा चालक मनोज राठोड किरकोळ जखमी झाला आहे.
याप्रकरणी समृद्ध संजय कानेकर रा. सुसगाव यांनी हिंजवडी पोलिस ठाण्यात फिर्याद दिली. याप्रकरणी नागनाथ विलास अर्जुन या टँकर चालकवर गुन्हा दाखल झाला आहे. या घटनेने कर्जत तालुक्यातील कशेळे परिसरात शोककळा पसरली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.