आमदाराच्या पुतण्याने दोघांना उडवले; एकाचा मृत्यू

| पुणे | प्रतिनिधी |

एका आमदाराच्या पुतण्याने आपल्या गाडीने दुचाकीवरुन जाणाऱ्या दोघांना उडवल्याले या अपघातात दुचाकीवरील एका तरुणाचा जागीच मृत्यू झाला. तर दुसरा तरुण गंभीर जखमी असून त्याच्यावर उपचार सुरू आहेत. आमदाराचा पुतण्या अपघातानंतर त्यांनी त्याठिकाणाहून पळ काढला, अपघातावेळी त्याने मद्यप्राशन केले होते, असा आरोप स्थानिकांनी केला आहे.

पुणे-नाशिक महामार्गावर कळंबमध्ये पुण्यातील खेड तालुक्याचे आमदार दिलीप मोहिते पाटील यांच्या पुतण्याने बेदरकारपणे गाडी चालवून दोघांना आपल्या गाडीने जोरदार धडक दिली. हा अपघात रात्रीच्या सुमाराच झाला आहे. या घटनेत ओम भालेराव (19) तरुणाचा जागीच मृत्यू झाला आहे. या प्रकरणी मोहिते पाटलांच्या पुतण्यावर गुन्हा दाखल करण्यात आला आहे. आमदार दिलीप मोहिते पाटील यांचा पुतण्या मयुर हा पुणे-नाशिक महामार्गावरून कारने पुण्याच्या दिशेने येत होता. तो विरुद्ध दिशेने सुसाट गाडी चालवत होता. त्यावेळी समोरून आलेल्या दोन दुचाकीस्वारांना त्याच्या भरधाव कारने धडक दिली. अपघात इतका भीषण होता, की दुचाकी हवेत उडाली आणि दुचाकीवरील तरुण रस्त्याच्या कडेला जाऊन पडले. यापैकी एका तरुनाच्या डोक्याला जबर दुखापत झाल्यामुळे ओम भालेराव या तरुणाचा जागीच मृत्यू झाला. दुसरा तरुण गंभीर जखमी झाला असून त्याच्यावर स्थानिक रुग्णालयात उपचार सुरू आहेत. या प्रकरणी मोहिते पाटलांच्या पुतण्यावर गुन्हा दाखल करण्यात आला आहे. पुढील तपास पोलीस करत आहेत.