विठ्ठल-रखुमाई उत्सवाचे आयोजन
। अलिबाग । प्रतिनिधी ।
अलिबाग तालुक्यातील पाल्हे येथील ग्रामस्थ मंडळ व वनदेव क्रीडा मंडळ, जयभवानी मित्रमंडळ आणि सुशांती महिला मंडळाच्यावतीने कार्तिकी एकादशीनिमित्त विठ्ठल-रखुमाई उत्सवाचे आयोजन करण्यात आले आहे. उत्सवाचे औचित्य साधत मंगळवारी (दि.12) सकाळपासून धार्मिक कार्यक्रम होणार असल्याची माहिती आयोजकांनी दिली. सायंकाळी सात वाजण्याच्या सुमारास विठ्ठल-रखुमाईची पालखी, मिरवणूक काढण्यात येणार आहे. रात्री दहा वाजण्याच्या सुमारास वांद्रे-मुंबई येथील श्री गुरुदत्त प्रासादिक भजन मंडळ आणि कांदिवली-मुंबई येथील गावदेवी प्रासादिक भजन मंडळाच्या भजनाचा कार्यक्रम होणार आहे. गणेश जांभळे व उमेश वंजारे भजनाचे बुवा आहेत. यानिमित्ताने सकाळी नऊ ते सायंकाळी सहा यावेळेत कबड्डीचे सामने होणार आहेत. निमंत्रित 32 संघांचा सहभाग असणार असल्याचे सांगण्यात आले आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.