धारावीत सिलेंडरने भरलेल्या ट्रकला भीषण आग
| मुंबई | प्रतिनिधी |
मुंबई येथील धारावीमधील सायन-धारावी लिंक रोडवर गॅस सिलिंडर वाहून नेणाऱ्या ट्रकला आग लागल्याची घटना घडली आहे. धारावी पोलीस ठाण्याच्या हद्दीमध्ये निसर्ग उद्यानच्या बाजूला गॅस सिलिंडरने भरलेले वाहन उभे होते. संध्याकाळी पाऊणे दहा ते दहाच्या दरम्यान आग लागली. या आगीनंतर सिलेंडरचे अनेक स्फोट देखील झाले. दरम्यान मुंबई अग्निशमन दलाने ही आग लेव्हल-2 ची असल्याची माहिती दिली. दरम्यान या आगीच्या दुर्घटनेत कोणतीही जिवीतहानी झाली नसल्याचे सांगितले जात आहे. दरम्यान ट्रकला आग लागल्यानंतर एकापाठोपाठ एक असे सिलिंडरचे अनेक स्फोट झाल्याने आगीचा एकच भडका उडाल्याचे पाहायला मिळाले. यामुळे आजूबाजूच्या परिसरात भीतीचे वातावरण निर्माण झाले होते. आगीची माहिती मिळताच स्थानिक पोलीस आणि अग्निशामक दल घटनास्थळी तात्काळ दाखल झाले आणि त्यांनी आग काही वेळातच आटोक्यात आणली. यामध्ये साधारणपणे चार ते पाच वाहनांचे नुकसान झाले आहे. आगीचे कारण अद्याप समजू शकलेले नाही.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.