‘कन्यारत्न योजने’अंतर्गत पालकांना धनादेश वितरित
माथेरान नगरपरिषदेचा स्तुत्य उपक्रम
| माथेरान | प्रतिनिधी |
माथेरान गिरिस्थान नगरपरिषदेच्या महिला व बालकल्याण समितीच्या ठरावानुसार शहरात ‘कन्यारत्न योजना’ सुरू करण्यात आली आहे. या महत्त्वपूर्ण योजनेच्या अंमलबजावणीसाठी नगराध्यक्ष चंद्रकांत चौधरी यांनी एक आदर्श उदाहरण देत आपल्या मानधनातील दरमहा मिळणारे 10 हजार रुपये जानेवारी 2026 पासून जन्मलेल्या मुलींसाठी देण्याचा अत्यंत महत्त्वपूर्ण निर्णय घेतला आहे. या योजनेंतर्गत देण्यात येणारे धनादेश थेट फिक्स डिपॉझिट (मुदत ठेव) स्वरूपात सुरक्षित ठेवण्यात येणार आहेत. नुकताच माथेरान नगरपरिषदेच्या सभागृहात आयोजित एका विशेष कार्यक्रमात लाभार्थ्यांच्या पालकांना बोलावून त्यांच्या उपस्थितीत हे धनादेश सुपूर्द करण्यात आले. या उपक्रमामुळे माथेरानमधील नवजात मुलींच्या उज्ज्वल भविष्यासाठी आणि आर्थिक सुरक्षेसाठी एक भक्कम पाया रचला गेला असून, नगर रिषदेच्या या जनहिताच्या व महिला-बालकल्याणकारी निर्णयाचे सर्वत्र कौतुक होत आहे. यावेळी महिला बालकल्याण समिती सभापती ऐश्वर्या निखिल शिंदे आणि अन्य लोकप्रतिनिधी, अधिकारी, कर्मचारी वर्ग उपस्थित होते.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.