कार्यविस्तारासाठी अभ्यास वर्ग महत्त्वाचे – सुरेश पाटील

| उरण | वार्ताहर |
भारतीय मजदूर संघ ही अशी एकमेव ट्रेड युनियन आहे, जी अभ्यास वर्गाचे वर्षभर संपूर्ण देशभर आयोजन करीत असते. मी भारतीय मजूर संघात बर्‍याच दिवसांपासून-वर्षांपासून काम करीत आहे, त्यामुळे मला अभ्यासाची आवश्यकता नाही, असे या संघटनेत चालत नाही. माणसाचे शरीर चालण्यासाठी ज्या प्रकारे भोजनाची आवश्यकता असते, त्याप्रकारे बुद्धीचा व आपल्या कार्याचा विस्तार करण्याकरिता सतत अभ्यास वर्गाची आवश्यकता असते, असे प्रतिपादन भारतीय मजदूर संघाचे अध्यक्ष सुरेश पाटील यांनी केले.

भारतीय मजदुर संघाचा आखिल भारतीय पाच दिवसांचा विविध महासंघांच्या प्रमुख पराशरदात्री पदाधिकार्‍यांचा अभ्यास वर्ग 13 ते 17 जुलैदरम्यान डॉ. हेडगेवार स्मारक समितीच्या मधुकर भवन, रेशीम बाग, नागपूर मध्ये संपन्न झाला. यावेळी सुरेश पाटील यांनी मार्गदर्शन केले. या आखिल भारतीय अभ्यास वर्गाचे उद्घाटन भारतीय मजदूर संघाचे राष्ट्रीय अध्यक्ष हिरण्य मय पंड्या यांच्या हस्ते दीप प्रज्ज्वलन करून करण्यात आले.

यावेळी राष्ट्रीय संघटन मंत्री बी. सुरेंद्रन,राष्ट्रीय महामंत्री बी.के. सिन्हा, राष्ट्रीय मंत्री रवींद्र हिमते, नीलिमा चिमोटे, सुरेंद्र पांडे, राष्ट्रीय उपाध्यक्षा नीता चौबे, जयंतीलाल, राष्ट्रीय नेते अण्णा धुमाळ, पोर्ट महासंघाचे महामंत्री सुरेश पाटील, कोषाध्यक्ष सुधीर घरत, विदर्भ प्रदेशाध्यक्षा शिल्पा देशपांडे, कोयला खदान मजदूर संघाचे राष्ट्रीय अध्यक्ष टिकेश्‍वर सिंग, महामंत्री सुधीर घुरटे या अभ्यास वर्गात भारतातील सर्व राज्यातील भारतीय मजदूर संघाशी संलग्न असलेल्या केंद्र सरकार व राज्य सरकारमधील विविध उद्योगातील संघटनांचे अखिल भारतीय अध्यक्ष, महामंत्री, संघटन मंत्री,कोषाध्यक्ष इत्यादी मान्यवर उपस्थित होते.