आता सायंकाळनंतर होणार कुलाबा किल्ल्याचे दरवाजे बंद

पुरातत्व विभागाने दोन नवीन सागवानी दरवाजे बसवले
| अलिबाग | भारत रांजणकर |
छत्रपती शिवाजी महाराज यांच्या परंपरेनुसार किल्ल्याचे दरवाजे रात्रीच्या वेळी बंद करण्याचा दंडक पुन्हा एकदा अलिबाग येथील कुलाबा किल्ल्यात सुरू होणार आहे. यासाठी पुरातत्व विभागाने कुलाबा किल्ल्याच्या संरक्षणासाठी दोन मजबूत असे सागवानी दरवाजे बसवले आहेत.

भारतीय पुरातत्व सर्वेक्षण विभागाने रात्रीच्या वेळी बेकायदेशीर प्रवेश रोखण्यासाठी अलिबाग समुद्रकिनाऱ्याजवळील कुलाबा किल्ल्यावर जड बोल्टसह प्राचीन नमुना असलेले सागवान लाकडी दरवाजे बसवले आहेत.

भारतीय पुरातत्व सर्वेक्षण (एएसआय) च्या अलिबाग उप-सर्कलचे संवर्धन सहाय्यक बी जी येळीकर यांनी सांगितले, “छत्रपती शिवाजी महाराजांच्या परंपरेनुसार, किल्ल्याचे दरवाजे दिवसा सर्वांसाठी खुले ठेवले जातील, परंतु रात्रीच्या वेळी तेच बंद केले जाईल. या उदाहरणाचे अनुकरण करून, आम्ही किल्ल्यावर महादरवाजा आणि मागील दरवाजा भागात प्राचीन शैलीचे सागवान लाकडी दरवाजे बसवले आहेत.”

दरवाजे बांधण्यासाठी औरंगाबादेतील एका खास सुताराला बोलावण्यात आले. “सुताराने यापूर्वी रायगड किल्ला आणि जंजिरा किल्ला यांसारख्या इतर स्मारकांना दरवाजे बांधून बसवले आहेत. त्यांनी महाराष्ट्र पुरातत्व विभागाच्या अंतर्गत स्मारकांसाठीही अशीच कामे केली आहेत. दरवाजे बांधण्याच्या संपूर्ण कामाला एक महिन्याचा कालावधी लागला. एकदा बांधल्यानंतर किल्ल्यावर बसवण्यासाठी दरवाजे अलिबागला आणले गेले,” येळीकर म्हणाले